JUECES 5:30 - Biblia Guarani Tumpa Iñee

³⁰ ‘Güɨramoi oime omboyao ñogüɨnoi oyoupe ñeraro pe opɨ̈rogüe. Metei ani mókoi tembipɨɨ kuñatai, ñeraro regua peguarä ñavo; Sísara peguarä temimonde ipïra kavi vae; metei ani mókoi, oporomoamɨri vae iyayu reguarä jeta ipïra vae. Oporomoamɨri vae reta juvicha reta peguarä temimonde jeta ipïra vae.’

JUECES 5:30 ပူးပေါင်းရင်းမြစ်များ

GÉNESIS 37:3

Israel oaɨu yae José opaete ïru taɨ reta güi, echa indechi pe ma oa kuae taɨ chupe; jare oyapo chupe metei temimonde jeta ipïra vae.

2 SAMUEL 13:18

Jare jókuae tembiokuai güɨnoe joko güi jare oyokenda öke chugüi. Tamar jemimonde ko temimonde ipïra jeta vae, kuae nunga temimonde ko omonde mburuvicha guasu tayɨ reta ndei etei kuimbae ndive oasa vae.

JOB 20:5

Iyoa vae reta iyerovia mbaetɨ ɨma oiko, oyerovia michi peguaño.

SALMOS 45:14

Temimonde oñemopöra kavi yae ndive oyererajata mburuvicha guasu jóvai, kuñatai reta ndeiño etei kuimbae ndive oasa vae yogüɨrajata jae ndive, jae reta ndive yogüeruta reïa pe.

SALMOS 68:12

“¡Otekuarai mburuvicha guasu reta jare isundaro reta!” Kuña reta o rupi opɨtagüe omboyao oyoupe mbae oñepɨ̈rogüe,

ÉXODO 15:9

Tovaicho jei: ‘Taɨkuemoña aupitɨ regua, jare opa tamboyao apɨ̈ro chugüigüe chepɨakatu apɨta regua. Tanoe chekɨsepuku, jare chepo tomboai reta.’

ÉXODO 27:16

Jare toyeapo öke reguarä asoya chau metro pukugüe vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae jembiapo jare togüɨnoi irundɨ ɨvɨra jare irundɨ iguapɨka.

PROVERBIOS 16:19

Ikavi yae ko ñañemomichi vaerä paravete vae reta ndive, ipɨapochɨ vae reta ndive mbae oñepɨ̈rogüe yamboyao vae güi.

ISAÍAS 9:2

Tëta pɨtumimbi pe oguatase vae oecha tembipe tuicha yae vae; mano ipo pe yogüɨrekose vae reta re, tembipe oesape.

JUECES 5:19

Jayave mburuvicha guasu reta yogüeru oñeraro, Taanac pe oñeraro mburuvicha guasu reta Canaán pegua, ɨupa Meguido pegua iyɨpɨ pe, ërei mbaetɨ opɨ̈ro reta korepoti yepe, ani mbaeyekou.

JUECES 5:29

Jembiokuai kuña reta yarakuaa katu vae jei chupe, jare jókuae etei jei vi iyeupe: