JUECES 5:23 - Biblia Guarani Tumpa Iñee

²³ Jare yandeYa iaraɨgua omoërakua: ‘¡Yepopeyu toï tëta Meroz re jare pɨpe yogüɨreko vae reta re!’ Echa mbaetɨ yogüeru omborɨ yandeYa, imbaepuere yae vae reta kotɨ.

JUECES 5:23 ပူးပေါင်းရင်းမြစ်များ

NEHEMÍAS 3:5

Kuae reta güi kutɨ ñogüɨnoi Tecoaɨgua reta; ërei kuimbae oikokatu vae imboetea yae vae reta mbaetɨ oipota omborɨ juvicha reta.

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

JEREMÍAS 48:10

(¡Tijeko jókuae ipɨakatumbae reve oyapo yandeYa iparavɨkɨ vae! ¡Tijeko jókuae ñäteɨ oparapiti vae!)

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

Romanos 15:18

Chemiarita Cristo oyapo che rupi vae reño. Kërai judiombae vae reta iñeereendu vaerä. Kuae ayapo chemiari jare ayapo reve;

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

JUECES 13:3

Ërei yandeYa iaraɨgua oyekuaa chupe, jei reve: “Mbaetɨ nemembɨ, echa nde imembɨmbae ko. Ërei añave ndepuruata jare oata nemembɨ kuimbae.

JUECES 2:1

YandeYa iaraɨgua ojo Gilgal güi Boquim pe, jare jei Israel iñemuña reta pe: “Che ko pogüɨnoe ɨvɨ Egipto güi, jare pomoinge peñemuñagüe reta pe ɨvɨ arökuavee amee vaerä vae pe, echa jae chupe reta: ‘Ngaraai amboai cheñererökuavee pe ndive,

JUECES 21:5

Jare oparandu reta oyoupe: “¿Kia pa yandegüi reta mbaetɨ oï yandepɨte pe yayemboatɨ yave Mizpa pe?” Echa jei reta, añetete oyukata jókuae mbaetɨ oï yemboatɨa pe vae.

JUECES 21:8

¿Oime pa kia nunga Israel iñemuña pegua mbaetɨ ojo yandeYa jóvai Mizpa pe yandeatɨ yave vae?” Jayave imaendúa reta Jabes-galaad pegua reta mbaetɨ metei ave yogüɨraja yemboatɨa pe vae re,

JUECES 4:6

Jae omondo güeruruka Barac, Abinoam taɨ, tëta Cedes pe oiko vae, jókuae tëta oï Neftalí iñemuña reta iɨvɨ pe, jare jei chupe: —YandeYa Israel iTumpa ndeokuai körai: “Ekua ɨvɨtɨ Tabor pe jare emboatɨ diez mil kuimbae Neftalí iñemuña pegua reta jare Zabulón iñemuña pegua reta.

JUECES 5:13

Jayave Israel iñemuña reta ogüeyɨ, oñeraro jëia yae vae reta ndive; yandeYa jee re ogüeyɨ oñeraro vaerä, kuimbae reta ñeraro regua ndive.

JUECES 6:11

Jare yandeYa iaraɨgua ou oguapɨ ɨvɨra encina Ofra pe oï vae igüɨ pe, jae ko Joás Abiezer iñemuña imbae. Gedeón, Joás taɨ ombopiriri oï trigo uva oñetɨamía pe, oñomi vaerä Madián iñemuña reta güi.

JUECES 8:5

Jare jei Sucot pegua reta pe: —Peyapo ikavi vae, pemee mbae yepe tou che ndive yogüeru vae reta, echa ikangɨ yae reta. Roaɨkuemoña ko royu Zeba jare Zalmuna, Madián iñemuña reta juvicha guasu reta.

JUECES 8:6

Jare Sucot pegua mburuvicha reta jei: —¿Opa ma yera peipɨɨ Zeba jare Zalmuna romongaru vaerä ndesundaro reta?

JUECES 8:8

Joko güi ojo Peniel pe, jare oiporu vi Sucot pegua reta pe oiporu rami. Ërei Peniel pegua reta jei, Sucot pegua reta jei rami etei,

1 SAMUEL 17:47

Jare opaete kuae pe yatɨ ñogüɨnoi vae reta oikuaata, kërai cheYa mbaetɨ oporoepɨ kɨsepuku pe jare mii pe vae; echa jae imbae ko ñeraro, jare jae pemeeta orepo pe.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”