JUECES 5:14 - Biblia Guarani Tumpa Iñee

¹⁴ Efraín iñemuña reta güi Amalec pe yogüɨreko vae amogüe kuimbae reta ogüeyɨ, jaɨkue yogüeru Benjamín iñemuña reta. Maquir iñemuña reta güi ogüeyɨ vi mburuvicha reta, Jökoraiño vi Zabulón iñemuña juvicha reta.

JUECES 5:14 ပူးပေါင်းရင်းမြစ်များ

GÉNESIS 35:22

Jare Israel oiko ramboeve jókuae ɨvɨ pe, Rubén ojo güɨroke tu jembireko güɨrekoiño vae, Bilha jee vae; jare Israel ou oikuaa jókuae regua. Jayave opaete reve doce ko Israel taɨ reta.

GÉNESIS 35:23

Lea imembɨ reta ko: Rubén, jae ko Israel taɨrɨpɨ; jare vi Simeón, Leví, Judá, Isacar jare Zabulón.

GÉNESIS 35:24

Raquel imembɨ reta ko: José jare Benjamín.

SALMOS 68:27

Joko pe oï taɨrusu vae Benjamín, jese reta oporookuai vae, jeta tenondegua reta Judá pegua, Zabulón pegua jare Neftalí pegua ndive.

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

JUECES 12:15

Omano yave oñotɨ reta Piratón pe, Efraín iñemuña reta iɨvɨ pe oï vae pe, Amalec pegua ɨvɨtɨ pe.

JUECES 3:13

Kuae mburuvicha guasu oñemoïruuka Amón jare Amalec iñemuña reta pe jare yogüeru omoamɨri Israel iñemuña reta, opɨ̈ro reta tëta guasu karandaɨtɨ pegua, jae ko Jericó.

JUECES 3:27

Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.

JUECES 4:10

Joko pe Barac omboatɨ Zabulón iñemuña reta jare Neftalí iñemuña pegua reta diez mil kuimbae. Débora ojo vi jupíe.

JUECES 4:14

Jayave Débora jei Barac pe: —¡Epüa, echa kuae ara ko yandeYa omeeta ndepo pe Sísara! ¡YandeYa ojo ma perenonde! Jare Barac ogüeyɨ ɨvɨtɨ Tabor güi diez mil isundaro ndive,

JUECES 5:13

Jayave Israel iñemuña reta ogüeyɨ, oñeraro jëia yae vae reta ndive; yandeYa jee re ogüeyɨ oñeraro vaerä, kuimbae reta ñeraro regua ndive.