JUECES 3:28 - Biblia Guarani Tumpa Iñee

²⁸ Jayave jae omombeu opaete yogüeru jupíe vae reta pe, yandeYa ko omee ipo pe jovaicho moabita reta vae. Jayave opaete vae yogüɨraja jupíe jare opɨ̈ro reta ɨ̈aka Jordán tɨpɨmbaea rupi tape oasa Moab kotɨ vae, jare mbaetɨ omaeño kia ave oasa.

JUECES 3:28 ပူးပေါင်းရင်းမြစ်များ

1 REYES 20:21

Jayave mburuvicha guasu Israel pegua omoña jare opɨ̈ro chugüi ikavayu reta jare ikäretou reta ñeraro pegua, jökorai Siriaɨgua reta ñamɨriasɨ yae.

JOSUÉ 2:7

Jare jókuae kuimbae reta yogüɨraja jaɨkue ɨ̈aka Jordán kotɨ tape ojo vae rupi, opa yogüɨraja oväe ɨ jembeɨ tɨpɨmbaea pe. Jare oyeokenda tëta guasu jöke oporoaɨkuemoña vae reta opa yogüɨraja güire.

JUECES 10:11

Jare yandeYa jei Israel iñemuña reta pe: “Pe reta peiporara yae peikose Egiptoɨgua reta ipo pe, amorreo reta ipo pe, Amón iñemuña reta ipo pe, filisteo reta ipo pe,

JUECES 12:5

Galaad pegua reta opɨ̈ro Efraín iñemuña reta güi ɨ̈aka Jordán tɨpɨmbaea jare amogüe Efraín pegua otekuarai vae oväe joko pe jare oiporu oasa vaerä yave, jae reta oparandu chupe Efraín iñemuña reta pegua ra ko vae. Jare jókuae otekuarai vae jei yave mbaetɨ,

JUECES 3:29

Jare jókuae ara rupi oyuka reta diez mil kuimbae Moab pegua, jëia yae vae reta jare ñeraro regua reta, mbaetɨ etei ojoyepe metei ave.

JUECES 4:10

Joko pe Barac omboatɨ Zabulón iñemuña reta jare Neftalí iñemuña pegua reta diez mil kuimbae. Débora ojo vi jupíe.

JUECES 7:14

Jare iñeïru jei chupe: —Kuae mbaetɨ ye ïru mbae, Gedeón, Joás Israel iñemuña pegua taɨ ikɨsepuku ko, Tumpa ko opa omee ipo pe Madián iñemuña reta, opaete jeyupa ndive.

JUECES 7:15

Jare Gedeón oendu jókuae miari mbaɨu regua yave, jare mbae oipota jei vae yave, omboete Tumpa. Jare ou ye Israel iñemuña reta jeyupa pe yave jei: —¡Pepüa, echa yandeYa omee pepo pe Madián iñemuña reta!

JUECES 7:17

Jare jei chupe reta: —Pemae cheré, jare peyapo che ayapo rami. Che aja ma aväe teyupa jembeɨ jovaicho pe yave, pe reta peyapo che ayapo rami.

JUECES 7:24

Gedeón omondo vi ñee jerajaa reta opaete ɨvɨtɨ Efraín pegua rupi oyókuai reve kuimbae reta ogüeyɨ vaerä oñoraro Madián iñemuña reta ndive jare opɨ̈ro reta vaerä ɨ̈aka Bet-bara jare Jordán rupi tape oasa vae, ndei yogüɨraja oväe joko pe mbove. Efraín iñemuña reta oyapo jókuae mborookuai,

JUECES 7:9

Jayave jókuae pɨ̈tu yandeYa jei chupe: “Epüa, jare egüeyɨ teyupa kotɨ; echa che ko amee reta ndepo pe.

1 SAMUEL 17:47

Jare opaete kuae pe yatɨ ñogüɨnoi vae reta oikuaata, kërai cheYa mbaetɨ oporoepɨ kɨsepuku pe jare mii pe vae; echa jae imbae ko ñeraro, jare jae pemeeta orepo pe.