JUECES 3:27 - Biblia Guarani Tumpa Iñee

²⁷ Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.

JUECES 3:27 ပူးပေါင်းရင်းမြစ်များ

2 SAMUEL 20:22

Jayave jókuae kuña iyarakuaa katu yae ojo imiari ipoki rupi opaete vae ndive; oyasɨa reta Seba, Bicri taɨ iñäka, jare omombo reta Joab pe. Jayave Joab omoñeeuka mimbɨguasu, jare opa yogüɨraja reta jókuae tëta guasu güi jo ae ae kotɨ. Joab ojo ye mburuvicha guasu pɨri Jerusalén pe.

2 REYES 9:13

Jökorai jei rupive metei ñavo jókuae mburuvicha guasu imborɨa reta oipɨɨ ñeapevaka jare oipɨso reta mburuvicha guasu iguapɨa pe ɨvate, javoi omoñee reta temimbɨ vecha kuimbae-räti pegua, jare osapúkai reta: “¡Jehú jae ko mburuvicha guasu!”

NEHEMÍAS 4:14

Jare aecha okɨɨye reta ramo, apüa jare jae imboetea vae reta pe, sundaro ruvicha reta pe jare opaete vae reta pe: “Agüɨye pekɨɨye chugüi reta, pemaendúa yandeYa re, tuicha jare kɨɨyea yae vae ko, jare peñeraro perëtara reta re, peraɨ reta re, perayɨ reta re, jare perembireko reta re jare pero reta re.”

JOSUÉ 17:15

Jare Josué jei chupe reta: —Pereta yae ko yave, pekua kaa kotɨ jare peitɨ ɨvɨra reta jókuae ferezeo reta jare refaita reta iɨvɨ pe, Efraín iñemuña reta iɨvɨ michi ko peve yave.

JOSUÉ 17:18

jókuae ɨvɨ pembaerä ko; yepe tëi ɨvɨra katuai, pe opata peitɨ jare pepɨ̈rota pembaerä opaetei; echa opata pemoë pemombo cananeo reta, yepe tëi käretou jiero pegua güɨnoi reta ani imbaepuere yae reta tëi reve.

JUECES 10:1

Abimelec jaɨkue rupi, metei kuimbae Isacar iñemuña pegua Tola jee vae, Fúa taɨ, Dodo jɨmɨmino oñemopüa oepɨ vaerä Israel iñemuña reta. Tola oiko Samir pe ɨvɨtɨ Efraín pegua pe,

JUECES 17:1

Ɨvɨtɨ ɨvɨ Efraín pegua pe oiko metei kuimbae Micaía jee vae,

JUECES 19:1

Jókuae ara rupi, ndei vɨteri oime mburuvicha guasu Israel pe yave, oiko metei levita ketɨgua mombɨrɨ Efraín pegua ɨvɨtɨ re, jae güɨreko jembirekorä metei kuña Belén, Judá pegua.

JUECES 3:26

Oyemoambeko reta ramboeve, Aod otekuarai, jare opa oasa tumpa-raanga reta Gilgal pe ñogüɨnoi vae rupi, jare ojo oñepɨ̈ro Seirat pe.

JUECES 5:14

Efraín iñemuña reta güi Amalec pe yogüɨreko vae amogüe kuimbae reta ogüeyɨ, jaɨkue yogüeru Benjamín iñemuña reta. Maquir iñemuña reta güi ogüeyɨ vi mburuvicha reta, Jökoraiño vi Zabulón iñemuña juvicha reta.

JUECES 6:34

Jayave, yandeYa iEspíritu ou Gedeón re jare jae omoñee mimbɨ vecha kuimbae-räti yave Abiezer iñemuña reta oyomboatɨ jae ndive.

JUECES 7:24

Gedeón omondo vi ñee jerajaa reta opaete ɨvɨtɨ Efraín pegua rupi oyókuai reve kuimbae reta ogüeyɨ vaerä oñoraro Madián iñemuña reta ndive jare opɨ̈ro reta vaerä ɨ̈aka Bet-bara jare Jordán rupi tape oasa vae, ndei yogüɨraja oväe joko pe mbove. Efraín iñemuña reta oyapo jókuae mborookuai,

1 SAMUEL 13:3

Jare Jonatán oporepeña sundaro filisteo reta jeyupa güɨnoi ɨvɨtɨ re vae re, jare kuae oikuaa ïru filisteo reta. Jare Saúl omoñeeuka mimbɨguasu opaete iɨvɨ rupi, jei reve: “Toendu hebreo reta yogüeru vaerä yandemborɨ.”