JUECES 3:16 - Biblia Guarani Tumpa Iñee

¹⁶ Ërei Aod yepe oyapo iyeupe kɨsepuku jaimbe yoyavi vae, medio metro puku vae jare oñono jemimonde igüɨ pe iyakatu kotɨ;

JUECES 3:16 ပူးပေါင်းရင်းမြစ်များ

2 SAMUEL 20:8

Jare jae reta köi ma yogüɨraja Gabaón pe ita guasu oï vae güi yave, Amasa oë oövaiti reta. Joab oyemonde oiko temimonde ñeraro pegua pe, jare jemimonde ikuakuaa re güɨnoi ikɨsepuku jɨru pe vae, oë chugüi ojo jenonde kotɨ yave.

SALMOS 149:6

Peyuru pe pembotuicha Tumpa, jare penoi reve pepo pe kɨsepuku jaimbe yoyavi vae,

SALMOS 45:3

Jëia vae, ¡eñono ndekúa re ndekɨsepuku! ¡Jae ko ndearuandapa ndeyemboetea!

CANTARES 3:8

opareve güɨnoi kɨsepuku, jare ipoki yae oñeraro reta vae; metei ñavo ikúa re güɨraja ikɨsepuku, pɨ̈tu yave oime pegua mbae.

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

Apocalipsis 1:16

Jae güɨnoi chiu yasɨtata reta ipo iyakatu pe, jare iyuru güi oë metei kɨsepuku jaimbe yoyavi vae. Jova jembipe yae kuaraɨ jembipe yae rami.

Apocalipsis 2:12

Eikuatía Pérgamo pegua oporogüɨrovia vae reta iaraɨgua pe: Kɨsepuku jaimbe yoyavi vae güɨnoi vae jei:

JUECES 3:15

Jare oyerure reta mbɨatɨtɨ ndive yandeYa pe; jare yandeYa omopüa chupe reta metei oporoepɨ vae, jae ko Aod iyasu vae, Gera taɨ, Benjamín iñemuña pegua. Metei ara Israel iñemuña reta omondo jae ndive mbaemboepɨ Eglón mburuvicha guasu Moab pegua pe.

JUECES 3:17

jaɨkue rupi ojo omee vaerä mbaemboepɨ Eglón pe, jókuae mburuvicha ko ikɨra yae vae.

JUECES 3:21

javoi Aod omondo iyasu iyakatu kotɨ güi oekɨ ikɨsepuku jare pɨpe oikutu Eglón jɨe pe.