JUECES 21:4 - Biblia Guarani Tumpa Iñee

⁴ Pɨareve pe Israel iñemuña reta opüa ndeimboveasɨ, oyapo reta mɨmba oyeyuka oyeapɨ jese vae jare omee reta mɨmba oyeyukagüe opaetei oyeapɨ vae jare mbota yembopɨakatu pegua.

JUECES 21:4 ပူးပေါင်းရင်းမြစ်များ

2 SAMUEL 24:18

Gad ou jókuae ara David pɨri, jare jei chupe omopüa vaerä metei mɨmba oyeyuka oyeapɨ jese vae, Arauna Jebús pegua itrigo oyembopiriría pe.

2 SAMUEL 24:25

jare omopüa joko pe metei mɨmba oyeyuka oyeapɨ jese vae, jare omee jese mɨmba oyeyukagüe opaetei oyeapɨ vae jare mbota yembopɨakatu pegua. Jayave yandeYa oendu tëta isapúkai, jare osondo mbaerasɨ pɨ̈chɨi Israel pe.

1 REYES 8:64

Jókuae ara voi mburuvicha guasu oñono tee oka mbɨte, yandeYa itupao jóvai oï vae, echa joko pe omee mɨmba oyeyukagüe opaetei oyeapɨ vae, mbota temitɨ jäɨgüe jare mɨmba oyeyukagüe yembopɨakatu pegua ikɨragüe, echa michi opɨta mɨmba oyeyuka oyeapɨ jese vae jiero iyu vae pegua yandeYa jóvai oï vae, mbaetɨ iyave opaete mɨmba oyeyukagüe opaetei oyeapɨ vae, mbota temitɨ jäɨgüe, mɨmba oyeyukagüe yembopɨakatu pegua ikɨragüe.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

Hebreos 13:10

Yande ñanoi metei mɨmba oyeyuka oñemee jese vae, joko pe mbaetɨ ipuere okaru sacerdote reta o guakapi pegua pe oparavɨkɨ vae reta.

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

JUECES 21:3

“¡OreYa, Israel iTumpa! ¿Maera pa ko kuae oasa ore ndive? ¿Maera pa oatata metei ñemuña Israel iñemuña reta ipɨte pe?”

JUECES 6:24

Jayave Gedeón omopüa metei mɨmba oyeyuka oyeapɨ jese vae yandeYa peguarä jare ombojee yandeYa-Salom kuae oimeño Ofra pe, Abiezer iñemuña reta jëta pe.

JUECES 6:26

jare ɨvatea pe emopüa che ndeYa Tumpa peguarä mɨmba oyeyuka oyeapɨ jese vae. Eipɨɨ jókuae toro jare emee cheve mɨmba oyeyuka opaetei oyeapɨ vae, reiporu reve yepearä jókuae Asera iä opa reyasɨa vae.

1 SAMUEL 7:17

Jókuae jaɨkue rupi ou ye Ramá pe jo güɨnoia pe, jare joko güi oporojäa Israel iñemuña reta re, jare joko pe vi omopüa metei mɨmba oyeyuka oyeapɨ jese vae yandeYa pe.