JUECES 21:25 - Biblia Guarani Tumpa Iñee

²⁵ Jókuae ara rupi mbaetɨ vɨteri mburuvicha guasu Israel pe, jare metei vae ñavo oyapo ipɨa jemimbota.

JUECES 21:25 ပူးပေါင်းရင်းမြစ်များ

SALMOS 12:4

körai jei reta vae: “Ñaneñee rupi ñaporomoamɨrita ko, yandeyuru yandembae ko. Ngaraa kia ñanemokɨ̈rii.”

PROVERBIOS 14:12

Kuimbae pe, oime tape ikaviecha vae; ërei tape kañɨtei kotɨ ojo vae ko.

PROVERBIOS 3:5

Eyeko yandeYa re opaete ndepɨa ndive; agüɨ ye eyeko ndearakuaa katu reño.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

DEUTERONOMIO 12:8

Joko pe agüɨye mo peyapo pepɨa jemimbota, añave kuae pe yayapo rami.

JUECES 17:6

Echa jókuae ara rupi mbaetɨ vɨteri mburuvicha guasu Israel pe, metei vae ñavo oyapo ipɨa jemimbota.

JUECES 18:1

Jókuae ara rupi mbaetɨ vɨteri mburuvicha guasu Israel pe. Dan iñemuña reta mbaetɨ vɨteri vi güɨnoi ɨvɨ imbae ae, Israel iñemuña reta ipɨte pe. Jáeramo oeka yogüɨreko ɨvɨ pɨpe oñemoëta vaerä.

JUECES 18:7

Jayave jókuae pandepo kuimbae vae reta opa oë yogüɨraja oväe tëta Lais pe. Jare oecha reta jókuae tëta pegua reta yogüɨreko pɨagüive Sidón pegua reta rami, oyepokuaa mbaetɨ kia omoambeko jare mbaetɨ mbae oata chupe reta. Mombɨrɨ yogüɨreko oyougüi Sidón pegua reta ndive jare mbaetɨ oñemoïru reta kia ndive ave.

JUECES 19:1

Jókuae ara rupi, ndei vɨteri oime mburuvicha guasu Israel pe yave, oiko metei levita ketɨgua mombɨrɨ Efraín pegua ɨvɨtɨ re, jae güɨreko jembirekorä metei kuña Belén, Judá pegua.

JUECES 21:24

Jayave Israel iñemuña reta opa vi yogüɨraja ye joko güi, iɨvɨ ae ae pe iñemuña reta pɨri, jëtara ae pɨri.