JUECES 20:26 - Biblia Guarani Tumpa Iñee

²⁶ Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

JUECES 20:26 ပူးပေါင်းရင်းမြစ်များ

GÉNESIS 28:19

Jare jókuae opɨtaa ombojee Bet-el, tenonde yave jókuae tëta jee yepi Luz.

2 SAMUEL 3:35

Jaɨkue rupi yogüɨraja tëi omoñera David okaru vaerä, ndei pɨ̈tu mbove, ërei jae jei Tumpa jee re: —¡Tumpa täta toiporarauka cheve akaru yave ani jau mbae ndei pɨ̈tu mbove yave!

2 CRÓNICAS 20:3

Jayave Josafat okɨɨye; jare oñemomichi reve oparandu yandeYa pe. Jare omoërakuauka opaete Judá pegua reta pe oyekuaku vaerä tembíu güi.

ESDRAS 8:21

Jare jókuae ɨ̈aka Ahava jembeɨ pe royekuaku tembíu güi, roñemomichi vaerä oreTumpa jóvai royavɨ jeko pegua, jare royerure vaerä chupe orereraja kavi vaerä, ore, oremichia reta jare orembaembae reta.

JEREMÍAS 36:9

Joacim, Josías taɨ, chaúa yasɨ pandepoa año ma oiko mburuvicha guasurä Judá pe yave, oñemoërakua oime vaerä yekuaku tembíu güi yandeYa jóvai, Jerusalén pegua reta peguarä jare opaete ïru tëta guasu reta Judá pegua güi yogüeru Jerusalén pe vae reta peguarä.

JOEL 1:14

Pemoërakua opaete vae pe oyekuaku vaerä tembíu güi, peyapo yemboatɨ; pemboatɨ opaete tenondegua reta jare opaete kuae ɨvɨ pe yogüɨreko vae reta, peyomboatɨ kuae yandeYa Tumpa jo pe jare peyerure chupe.

JOSUÉ 24:1

Josué omboatɨ opaete Israel iñemuña reta Siquem pe, oenɨi mburuvicha reta, tenondegua reta, oporojäa vae reta, jare kuimbae ñeraro regua juvicha reta jare oñeñono reta Tumpa jóvai.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

JUECES 20:25

Ërei jókuae ara jekuae Benjamín iñemuña reta ñogüɨnoe ye Gabaa güi chupe reta jare jekuae oyuka ye ïru dieciocho mil kuimbae ñeraro regua reta.

JUECES 21:2

Ërei oyemboatɨ reta Bet-el pe jare ñogüɨnoi reta Tumpa jóvai pɨ̈tu regua, jäse reve oyaeo jare jei reta:

JUECES 21:4

Pɨareve pe Israel iñemuña reta opüa ndeimboveasɨ, oyapo reta mɨmba oyeyuka oyeapɨ jese vae jare omee reta mɨmba oyeyukagüe opaetei oyeapɨ vae jare mbota yembopɨakatu pegua.

1 SAMUEL 11:4

Jare ñee jerajaa reta yogüɨraja oväe Gabaa pe Saúl oikoa pe, jare omombeu reta ñee jókuae tëta pe. Opaete vae jäse oyaeo kuae oendu yave.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.