JUECES 20:23 - Biblia Guarani Tumpa Iñee

²³ Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

JUECES 20:23 ပူးပေါင်းရင်းမြစ်များ

2 SAMUEL 3:35

Jaɨkue rupi yogüɨraja tëi omoñera David okaru vaerä, ndei pɨ̈tu mbove, ërei jae jei Tumpa jee re: —¡Tumpa täta toiporarauka cheve akaru yave ani jau mbae ndei pɨ̈tu mbove yave!

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

JOSUÉ 7:7

Jare Josué jei: —¡CheYa Tumpa! ¿Maera pa reroasa kuae tëta ɨ̈aka Jordán? ¿Amorreo reta pe oremee vaerä pa, opa oremokañɨtei vaerä pa? ¡Ropɨtañota tëi yepe ɨ̈aka Jordán jovaicho pe!

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:22

Ërei oñemoäta ngatu ye opaete vae, kuimbae Israel iñemuña pegua reta, jare oyeapo kavi reta ye oñeraro vaerä kárumbo ma oñeraroa pe.

JUECES 20:24

Jare Israel iñemuña reta yogüɨraja ye Benjamín iñemuña reta pe, mókoi araa pe.

JUECES 21:2

Ërei oyemboatɨ reta Bet-el pe jare ñogüɨnoi reta Tumpa jóvai pɨ̈tu regua, jäse reve oyaeo jare jei reta:

1 SAMUEL 10:3

Javoi joko güi reasa kutɨ katu, reo reväe ɨvɨra encinarupa Tabor pe oïa pe yave, nerövaitita mboapɨ kuimbae reta Bet-el kotɨ yogüɨraja omboete vaerä Tumpa vae; metei güɨraja mboapɨ kavara kuimbae taɨrusu vae, ïru güɨraja mboapɨ mbɨyape, jare kuimbae mboapɨa güɨraja metei jɨru vino.

1 SAMUEL 11:4

Jare ñee jerajaa reta yogüɨraja oväe Gabaa pe Saúl oikoa pe, jare omombeu reta ñee jókuae tëta pe. Opaete vae jäse oyaeo kuae oendu yave.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.