JUECES 20:21 - Biblia Guarani Tumpa Iñee

²¹ Jayave ñogüɨnoe Gabaa güi Benjamín iñemuña reta; opa oyuka jókuae ara veintidó mil kuimbae Israel iñemuña pegua reta.

JUECES 20:21 ပူးပေါင်းရင်းမြစ်များ

GÉNESIS 49:27

Benjamín ko jae aguarayaɨmba pochɨ yae vae, ndeimbove yave jou jembia, jare kaaru yave omboyao jembɨregüe.”

2 CRÓNICAS 28:10

Jaeramiño vi Judá pegua reta jare Jerusalén pegua reta opa peñono yogüɨreko vaerä perembiokuairä. Jayave ¿pe reta mbaetɨ pa ko peyoa yandeYa Tumpa kotɨ?

SALMOS 33:16

Mburuvicha guasu mbaetɨ ko oyereroasayepe jeta sundaro güɨnoi ramo, ani jëia yae vae mbaetɨ ko ojoyepe ipɨ̈rata yae jeko pegua;

SALMOS 77:19

Ɨguasu rupi oï nderape; reasa jeta ɨ reta, ërei mbaetɨ kia oväe nderaɨkuere.

SALMOS 78:62

Omee vi tëta imbae vae reta omano vaerä kɨsepuku pe, iyarasɨ yae imbae vae reta kotɨ.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

OSEAS 10:9

YandeYa jei: “Israel iyoa güire Gabaa pe jekuaeño oyapo mbaeyoa. ¡Jökorai yogüɨreko! Jáeramo, outa ñeraro kuae jeko pɨ̈chɨi vae reta pe Gabaa pe.

DEUTERONOMIO 23:9

Peo yave ñeraroa pe peñoraro vaerä perovaicho reta ndive, peyeandu opaete mbae ikavimbae güi.

JUECES 20:20

Jare ñogüɨnoe oñeraro Benjamín iñemuña reta ndive; oyeapo kavi reta oñeraro vaerä Gabaa iyɨpɨ pe.

JUECES 20:22

Ërei oñemoäta ngatu ye opaete vae, kuimbae Israel iñemuña pegua reta, jare oyeapo kavi reta ye oñeraro vaerä kárumbo ma oñeraroa pe.

JUECES 20:25

Ërei jókuae ara jekuae Benjamín iñemuña reta ñogüɨnoe ye Gabaa güi chupe reta jare jekuae oyuka ye ïru dieciocho mil kuimbae ñeraro regua reta.