JUECES 20:13 - Biblia Guarani Tumpa Iñee

¹³ Pemee orepo pe jókuae jeko kavimbae reta, kuae Gabaa pe ñogüɨnoi vae royuka vaerä, jare toyetɨo ɨvɨ Israel kuae ikavimbae güi.” Ërei Benjamín iñemuña pegua reta mbaetɨ oyapo jëtara Israel iñemuña reta jeigüe.

JUECES 20:13 ပူးပေါင်းရင်းမြစ်များ

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

2 SAMUEL 23:6

Ërei opaete iTumpa potambae reta ñurati oyeasɨagüe ramita, mbaetɨ kia oipota opoko kuae ñurati re.

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

2 CRÓNICAS 13:7

jare oñemoïru jae ndive kuimbae reta jembiapombae jare ipɨapochɨ vae, jae reta imbaepuere yae Roboam, Salomón taɨ güi, echa Roboam taɨrusu jare ipɨakɨɨye. Jare mbaetɨ ipuere oyeepɨ chugüi reta.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

2 CRÓNICAS 25:20

Ërei ngatu Amasías mbaetɨ oipota oendu, echa Tumpa jemimbota ko kuae, jae oipota ramo omee jovaicho reta ipo pe, Edom pegua tumpa reta omboete reta jeko pegua.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ECLESIASTÉS 11:10

Embosɨrɨ ndeyeugüi arasɨ, jare embosɨrɨ ndeyeugüi ikavimbae, echa mbaeä etei ko taɨrusu vae reta iara.

OSEAS 10:9

YandeYa jei: “Israel iyoa güire Gabaa pe jekuaeño oyapo mbaeyoa. ¡Jökorai yogüɨreko! Jáeramo, outa ñeraro kuae jeko pɨ̈chɨi vae reta pe Gabaa pe.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

1 Corintios 5:13

Tumpa ko ojäata jókuae oporogüɨroviambae vae reta. Jáeramo peekɨ pepɨte güi jókuae ikavimbae iyapoa.

2 Corintios 6:15

¿Cristo oñemoïruta pa aña ndive?, ani ¿oñemoïruta pa oporogüɨrovia vae oporogüɨroviambae ndive?

DEUTERONOMIO 13:13

kuimbae reta güɨröɨro Tumpa jare opa ombojopa tëtaɨgua reta, omoñera reve omboete vaerä tumpa ambuae, pe peikuaambae vae,

DEUTERONOMIO 13:5

Jare jókuae ñeemombeúa ani ipaɨu katu vae tomano, echa pemboarakuaa peyemboyovaicho vaerä yandeYa Tumpa kotɨ, perenoe ɨvɨ Egipto güi jare pereepɨ yeokuaiasɨ katu güi vae, jare pemoñera pepia vaerä yandeYa Tumpa peokuai peyapo vaerä vae güi. Jökorai peekɨ ikavimbae pepɨte güi.

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 17:12

Ërei kuimbae oyembotuicha reve mbaetɨ oyapo sacerdote oyeokuai yandeYa pe vae ani oporojäa vae jei chupe vae yave, tomano. Jökorai peekɨ ikavimbae pepɨte güi.

DEUTERONOMIO 17:7

Imiari vae reta räri toporoapi ita pe oporoyuka vaerä, jaɨkue rupi opaete vae. Jökorai peekɨ ikavimbae pepɨte güi.

DEUTERONOMIO 19:19

peyapo chupe jae iyemongeta pe oipota tëi oyapo japicha pe rami. Jökorai peekɨ ikavimbae pepɨte güi.

DEUTERONOMIO 21:21

Jayave opaete kuimbae reta tëta pegua toyapi ita pe toyuka. Jökorai peekɨ ikavimbae pepɨte güi, jare opaete Israel iñemuña reta oendu yave oipoɨuta.

DEUTERONOMIO 22:21

penoe tu jöke pe, jare kuimbae tëta pegua reta toyapi ita pe toyuka, teko ikavimbae oyapo Israel iñemuña reta pe ipɨte pe jeko pegua, jare tu jo mbaetɨ omboete jeko pegua. Jökorai peekɨ ikavimbae pepɨte güi.

DEUTERONOMIO 22:24

mókoi reve penoe tëta guasu jöke pe, jare peyapi ita pe peyuka; jókuae kuñatai tomano mbaetɨ ramo jäse tëta guasu pe, jare jókuae kuimbae tomano oyuvanga ramo japicha jembirekorä vae re; jökorai peekɨ ikavimbae pepɨte güi.

DEUTERONOMIO 24:7

Kia nunga vae oyepokou oñomi metei jëtara Israel iñemuña reta, oyapo vaerä tembiokuairä ani omee vaerä yave, tomano jókuae imonda vae, jökorai peekɨ ikavimbae pepɨte güi.

JUECES 19:22

Ërei ovɨakatu yae ma ñogüɨnoi yave, mbovɨ kuimbae jeko ikavimbae jókuae tëta pegua reta oimama o, jare omboɨpɨ okua reta öke re, jare jei reta jókuae ndechi o iya pe: —¡Enoe kuimbae ndembouparä renoi vae! ¡Orekɨ̈reɨ mbae royapo chupe!

JUECES 20:12

Jare omondo ñee jerajaa reta opaete ɨvɨ rupi, Benjamín iñemuña reta iɨvɨ rupi, jei reta vaerä chupe: “¿Maera pa ikavimbae yae oyapo amogüe reta pepɨte pe?

JUECES 20:14

Ërei ngatu tëta guasu reta Benjamín iñemuña pegua oyomboatɨ Gabaa pe, oñeraro vaerä jëtara Israel iñemuña reta ndive.

1 SAMUEL 2:25

Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.

1 SAMUEL 30:22

Ërei David ndive yogüɨraja ñeraroa pe vae reta ipɨte pe oime jeko kavimbae ipɨapochɨ vae; kuae reta jei agüɨye vaerä oñemee mbae kuae kuimbae reta pe, jaeño ma jembireko reta pe jare taɨ reta pe, jare opa mbae oñepɨ̈rogüe oñemee chupe reta yave opa vaerä yogüɨraja.