JUECES 20:10 - Biblia Guarani Tumpa Iñee

¹⁰ Opaete ñemuña güi oyeekɨta cien vae güi payandepo kuimbae, mil vae güi cien jare diez mil vae güi mil, güɨraja vaerä tembíu opaete vae peguarä; jare ïru reta yogüɨrajata Gabaa pe Benjamín iñemuña reta pe omboekovia jókuae ikavimbae yae oyapo ɨvɨ Israel pe vae.

JUECES 20:10 ပူးပေါင်းရင်းမြစ်များ

LEVÍTICO 18:24

Opaete kuaekuae reta agüɨye peyapo, echa opaete kuaekuae reta pe ko oyemongɨa tëtaguasu reta che amoëta amombo perenonde güi vae,

DEUTERONOMIO 22:21

penoe tu jöke pe, jare kuimbae tëta pegua reta toyapi ita pe toyuka, teko ikavimbae oyapo Israel iñemuña reta pe ipɨte pe jeko pegua, jare tu jo mbaetɨ omboete jeko pegua. Jökorai peekɨ ikavimbae pepɨte güi.

JOSUÉ 7:15

Jare jókuae oñeväe jese mbaembae yepopeyu pe oï vae yave, topa toyeapɨ, opaete imbaembae ndive, echa oyavɨ ko cheporogüɨrökuavee päve kotɨ, jare oyapo ikavimbae Israel iñemuña reta ipɨte pe.

JUECES 20:11

Opaete Israel iñemuña reta oyomboatɨ metei rami oporepeña vaerä tëta guasu re.

JUECES 20:6

Jayave che aipɨɨ cherembireko jëogüegüe opa amboyao yao, jare amondo opaete Israel iñemuña reta iɨvɨ rupi, oikuaa reta vaerä kuae ikavimbae yae oasa vae.

JUECES 20:9

Kuae yayapota añave, yayombosuerte yaikuaa vaerä kia ra tenonde ojota oporepeña Gabaa re.

JUECES 21:1

Israel iñemuña reta jei yepe Tumpa jee re Mizpa pe, agüɨye vaerä tayɨ reta omaeño omenda Benjamín iñemuña pegua reta ndive.