JUECES 2:22 - Biblia Guarani Tumpa Iñee

²² Kuae tëtaguasu reta rupi yandeYa ojäa vaerä Israel iñemuña reta, oipotata ra oguata reta iporookuai rupi iñemuñagüe reta rami ani mbaetɨta ra.

JUECES 2:22 ပူးပေါင်းရင်းမြစ်များ

GÉNESIS 22:1

Opa kuaekuae reta oasa güire, Tumpa ojäa Abraham iporogüɨrovia jare oenɨi jee pe; jare Abraham jei: —Mbae pa cheYa.

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

JOB 23:10

Ërei jae chekuaa katu, chejäa yave aëta oro oyeambae rami.

SALMOS 66:10

OreRu Tumpa, nde ko orejäa, ¡oretɨo kavi, korepoti oyetɨo kaviasɨ rami!

ÉXODO 15:25

Jare Moisés oyerure yandeYa pe, jare yandeYa oechauka chupe metei ɨvɨra; jókuae oitɨ ɨ pe, jare ombokavi ɨ. Jare joko pe yandeYa omee chupe reta mborookuai reta, joko pe ojäa jae reta iporogüɨrovia;

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

DEUTERONOMIO 13:3

Agüɨye peyeapɨsaka jókuae ñeemombeúa iñee reta re, ani jókuae ipaɨu katu vae re. Echa yandeYa Tumpa ko pejäa oï oikuaa vaerä peaɨu ra yandeYa Tumpa opaete pepɨa ndive, jare opaete perekove ndive.

DEUTERONOMIO 8:16

pemongaru ñuu rupi maná pe, tembíu peñemuñagüe reta mbaetɨ oikuaa vae pe, pemoñemomichi jare pejäa, jökorai peapo kavi peiko kavi vaerä.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

JUECES 2:23

Jáeramo yandeYa mbaetɨ jupiveiño opa güɨnoe omombo jókuae tëtaguasu reta, mbaetɨ omee Josué ipo pe, omaeño opɨta reta.