JUECES 2:20 - Biblia Guarani Tumpa Iñee

²⁰ Jáeramo yandeYa iyarasɨ yae Israel iñemuña reta kotɨ, jare jei: “Kuae tëta güɨrokomegua morogüɨrökuavee päve ayapo iñemuñagüe reta ndive vae, jare mbaetɨ oipota oyapo reta cheporookuai.

JUECES 2:20 ပူးပေါင်းရင်းမြစ်များ

2 SAMUEL 24:1

YandeYa iyarasɨ ye Israel iñemuña reta kotɨ, jare omokɨ̈reɨ David ipɨa pe ikotɨ reta, oipapa vaerä Israel pegua reta jare Judá pegua reta.

SALMOS 106:40

Jáeramo, yandeYa iyarasɨ imbae vae reta kotɨ, jare güɨröɨro imbae vae reta;

SALMOS 78:10

mbaetɨ omboete reta Tumpa iporogüɨrökuavee päve, mbaetɨ vi oipota reta oyapo jae iporookuai,

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

EZEQUIEL 20:37

Che popapata, metei vecha iyangarekoa oipapa kavi ivecha reta rami, jare pomoingeta peiko vaerä morogüɨrökuavee päve pe.

NÚMEROS 32:13

Jare yandeYa iyarasɨ Israel iñemuña reta kotɨ, jáeramo omboguatauka ñuu rupi cuarenta año, opa regua jókuae jeko pɨ̈chɨi vae reta omano yandeYa jóvai.

DEUTERONOMIO 32:22

Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.

JOSUÉ 23:16

perokomegua yave yandeYa Tumpa iporogüɨrökuavee päve rupi peokuai vae, peo jare pemboete yave tumpa ambuae reta, jare peyetavatɨka yave jae reta jóvai. Jayave yandeYa iyarasɨta pekotɨ, jare ɨmambae pekañɨteita kuae ɨvɨ kavi jae omee peve vae güi.”

JUECES 10:7

Jáeramo yandeYa iyarasɨ ikotɨ reta jare omee reta filisteo reta ipo pe jare Amón iñemuña reta ipo pe.

JUECES 2:14

Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

JUECES 3:8

Jáeramo yandeYa iyarasɨ ikotɨ reta, jare omee Cusan-risataim mburuvicha guasu Mesopotamia pegua ipo pe; jare juri año Israel iñemuña reta yogüɨreko Cusan-risataim jeia re.