JUECES 2:2 - Biblia Guarani Tumpa Iñee

² pe reta mbaetɨ yave peyapo ñemoïru jókuae tëta pegua reta ndive, pemboai yave chugüi reta itumpa-raanga reta pe mɨmba oyeyuka oyeapɨ jese vae reta.’ Ërei pe reta mbaetɨ peyapo che jae vae, ¿maera pa ko kuae peyapo?

JUECES 2:2 ပူးပေါင်းရင်းမြစ်များ

GÉNESIS 12:18

Jayave Faraón oenɨiuka Abram jare jei chupe: “¿Mbae pa ko kuae reyapo che ndive vae? ¿Maera pa ko remombeu kaviä cheve jae ko nderembireko vae?

GÉNESIS 4:10

Tumpa jei chupe: —¿Maera pa kuae reyapo? Nderɨvɨ jugüɨgüe ndemboeko oï cheve kuae ɨvɨ güive.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

JEREMÍAS 2:18

Añave, ¿mbae pa reväe reo Egipto kotɨ, reɨu ɨ̈aka Nilo pegua pe vae rupi? ¿Mbae pa reväe reo Asiria kotɨ, reɨu ɨ̈aka Éufrates pegua pe vae rupi?

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

JOSUÉ 9:7

Jare Israel iñemuña reta jei heveo reta pe: —Güɨramoi pe reta köiño peiko oregüi; ¿këraita pa royapo ñemoïru pe ndive?

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?

JUECES 2:20

Jáeramo yandeYa iyarasɨ yae Israel iñemuña reta kotɨ, jare jei: “Kuae tëta güɨrokomegua morogüɨrökuavee päve ayapo iñemuñagüe reta ndive vae, jare mbaetɨ oipota oyapo reta cheporookuai.

JUECES 6:10

Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”

JUECES 6:8

YandeYa ombou metei ñeemombeúa Israel iñemuña reta pe, jare jei chupe reta: “Körai jei yandeYa Israel iñemuña reta iTumpa: ‘Che ko pogüɨnoe ɨvɨ Egipto güi yeokuaiasɨ katu güi,

JUECES 8:27

Jókuae oro güi Gedeón oyapo tumpa-raanga, jare oñono Ofra pe, jae jëta pe, jare opaete Israel iñemuña reta yogüɨraja joko pe jókuae tumpa-raanga jeko pegua jare opia reta Tumpa güi; kuae rupi ou yemboavai Gedeón pe jare jo pegua reta pe.