JUECES 2:19 - Biblia Guarani Tumpa Iñee

¹⁹ Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

JUECES 2:19 ပူးပေါင်းရင်းမြစ်များ

GÉNESIS 6:11

Tumpa jóvai ɨvɨ ipo reta opa oikomegua. Jeta tekorai oyekuaa ɨvɨ pe.

NEHEMÍAS 9:28

Ërei yogüɨreko pɨagüive ye ma yave, jekuae oyapo reta ye ikavimbae nderóvai; jáeramo, reeya jovaicho reta ipo pe, jae reta oiporarauka vaerä chupe reta. Jare jekuae oiporu reta ye ndeve remborɨ vaerä yave, nde, ndeporoparareko yae jeko pegua, reendu ara güi chupe reta iyerure, jare jekuaekuae reepɨ ye jovaicho reta güi.

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

EZEQUIEL 20:30

Ere Israel iñemuña reta pe: ‘YandeYa Tumpa jei körai: ¿Maera pa peyemongɨa peñemuñagüe reta rami? ¿Maera pa pemboete jókuae tumpa-raanga reta ikavimbae yae vae?

San Mateo 23:32

Pe reta ikavi ko peyapo voi mo peñemuñagüe oyapo rami.

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

JOSUÉ 24:31

Israel iñemuña reta oyeokuai yandeYa pe, Josué oikove oiko ramboeve jae reta ndive, jare jaɨkue rupi opaete ndechi reta Josué güi ɨma yogüɨreko vae reta, oikuaa opaete yandeYa oyapo mbaembae Israel iñemuña reta ndive vae.

JUECES 10:13

Ërei pe reta jekuae chereeya, jare pemboete tumpa ambuae reta, jayave che ngaraa ye ma poepɨ.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

JUECES 2:20

Jáeramo yandeYa iyarasɨ yae Israel iñemuña reta kotɨ, jare jei: “Kuae tëta güɨrokomegua morogüɨrökuavee päve ayapo iñemuñagüe reta ndive vae, jare mbaetɨ oipota oyapo reta cheporookuai.

JUECES 2:7

Josué oikove ramboeve, opaete vae reta oyeokuai kavi yandeYa pe, jare opaete Josué iyaveigua tenondegua vae reta oikoveño vae reta jovake, jókuae oecha opaete mbae tuichagüe yandeYa oyapo Israel iñemuña reta peguarä vae.

JUECES 4:1

Aod omano güire, Israel iñemuña reta oyapo ye ikavimbae yandeYa jesa róvai,

JUECES 8:33

Gedeón omano güire Israel iñemuña reta jekuae oyerova ye Tumpa güi omboete vaerä baal reta, jare oiparavo reta itumparä Baal-berit.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”