JUECES 2:18 - Biblia Guarani Tumpa Iñee

¹⁸ YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

JUECES 2:18 ပူးပေါင်းရင်းမြစ်များ

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

2 REYES 13:4

Jayave Joacaz oyerure yandeYa pe, jare yandeYa oendu chupe iyerure, echa omae Israel iñemuña reta ipɨatɨtɨ yae vae re, oecha kërai mburuvicha guasu Siria pegua oiporarauka yae Israel iñemuña pe reta vae.

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 90:13

OreYa, eyerova orekotɨ, ¿kërai yave pa reyerova yeta? ¡Oreparareko, ore nderembiokuai reta!

ÉXODO 2:24

Tumpa oendu jae reta güɨroäse yeokuaiasɨ katu vae, jare imaendúa morogüɨrökuavee päve oyapo Abraham, Isaac jare Jacob ndive vae re.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 32:14

Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

NÚMEROS 10:9

Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.

JUECES 11:32

Jare Jefté ojo oñeraro Amón iñemuña reta ndive, jare yandeYa omee ipo pe.

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

JUECES 3:9

Jayave Israel iñemuña reta oyerure mbɨatɨtɨ ndive yandeYa pe; jare yandeYa omopüa metei mburuvicha chupe reta, jare jae oepɨ reta; jae ko Otoniel, Cenaz taɨ. Cenaz jae ko Caleb tɨvɨ.

JUECES 6:12

YandeYa iaraɨgua oyekuaa jare jei chupe: —¡Kuimbae ipɨ̈rata jare jëia yae vae, yandeYa oï nde ndive!

JUECES 6:16

Jare yandeYa jei chupe: —Añetete che aïta nde ndive, remoamɨrita Madián iñemuña reta metei kuimbae vae ramiño.