JUECES 2:15 - Biblia Guarani Tumpa Iñee

¹⁵ Jare ñeraroa pe yogüɨraja reta yave, yandeYa mbaetɨ omborɨ reta, jae jei rami, oñererökuavee omombeu kavi voi chupe reta rami; jare oiporara yae reta.

JUECES 2:15 ပူးပေါင်းရင်းမြစ်များ

2 CRÓNICAS 12:1

Roboam oecha oï kavi yae ma iporookuaía pe yave, oeya Tumpa iporookuai reta opaete Israel iñemuña reta ndive.

JEREMÍAS 18:8

Ërei jókuae tëtaguasu reta oyepoepɨ ikavimbae güi yave, mbaetɨta ma ambou mbaeporara amokätɨro anoi jese reta vae.

JEREMÍAS 21:10

Echa che jae ambou vaerä kuae tëta guasu re ikavimbae, ambou vaerägüe ikavi vae. Ameeta mburuvicha guasu Babilonia pegua ipo pe, jare jae opata oapɨ. Che ndeYa ko jae kuaekuae.’

JEREMÍAS 44:11

Jáeramo che, peYa Imbaepuere yae ete vae Israel iTumpa, jae peve: ‘Aruta ikavimbae peré, jökorai amokañɨ vaerä Judá.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

MIQUEAS 2:3

Jáeramo yandeYa jei körai: “Mase, ko ayemongeta pekotɨ ikavimbae, kuae güi ngaraa etei pepuere peyeyora, ngaraa ave vi peäka pemopüa peguata, echa mbaesusere iara ko.

2 Corintios 4:8

Roiporara yae ko opaño mbaembae, ërei mbaetɨ orembopɨtu yae. Jeta yemoambeko, ërei mbaetɨ orembopɨa kërai;

DEUTERONOMIO 18:20

Ërei metei ñeemombeúa oyembotuicha reve imiari yave cheree re, che mbaetɨ ayókuai reve imiari yave, ani imiari yave tumpa ambuae vae reta jee re, jókuae nunga ñeemombeúa tomano.’

JUECES 10:9

Jare Amón iñemuña reta oasa vi ɨ̈aka Jordán oñoraro vaerä Judá, Benjamín jare Efraín iñemuña reta ndive, jare Israel iñemuña reta ipɨatɨtɨ yae.

RUT 1:13

¿peärota pa opa okuakuaa regua? ¿Peärota pa pekueraimbae reve jae reta peaɨu jeko pegua? Ngaraa ko pepuere chemembɨ reta; che ko anoi mbɨatɨtɨ tuicha yae pegüi, echa yandeYa ombou cheré aiko vaerä jasɨ katu rupi.

1 SAMUEL 12:15

Ërei mbaetɨ peyapo yandeYa iporookuai yave, peñeereenduä yandeYa kotɨ yave, jae oiporaraukata peve jare peruvicha guasu pe, peñemuñagüe reta pe oiporarauka rami.

1 SAMUEL 13:6

Jare Israel iñemuña reta oecha opaetei oñeova ñogüɨnoi yave, oñemi reta ɨ̈aka-soro rupi, ɨvɨkua rupi, ɨ̈vavira rupi, ita guasu ipäu rupi, ɨrɨru rupi.

1 SAMUEL 14:24

Ërei kuimbae reta Israel iñemuña reta jókuae ara ikangɨ jare yɨmbɨaɨ, echa mbaetɨ etei mbae jou reta metei ave yepe omoañete vaerä Saúl Tumpa rovake jei vae: “Tomano jókuae mbae jou kuae ara ndei pɨ̈tu mbove vae, ndei cherovaicho reta amoamɨri mbove.”

1 SAMUEL 30:6

Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.