JUECES 2:11 - Biblia Guarani Tumpa Iñee

¹¹ Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 2:11 ပူးပေါင်းရင်းမြစ်များ

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

GÉNESIS 38:7

Jare Er, Judá taɨrɨpɨ jeko kaviä yae yandeYa jesa róvai, jare oekɨ chugüi jekove.

1 REYES 11:5

Omboete Astoret, jae ko Sidón pegua reta itumpa kuña, jare Milcom, Amón iñemuña reta itumpa-raanga ikavimbae yae vae.

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

1 REYES 22:53

Omboete vi Baal, tenonde yave tu oyapo rami, jókuae rupi omboarasɨuka yandeYa Israel iTumpa.

2 CRÓNICAS 28:2

echa omomoe mburuvicha guasu reta Israel pegua oyapo vae, oyapo Baal reta iä oyemondɨkui oyeapo vae,

2 CRÓNICAS 28:3

oapɨ vi ikäti kavi vae incienso ɨvɨtɨ päu ipe kavi vae Hinom pe, jare omee taɨ reta oapɨuka vaerä, ïru tëtaguasu reta ikavimbae yae vae oyapoñoi rami, jókuae yandeYa opa güɨnoe omombo Israel iñemuña reta jenonde güi vae.

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

ESDRAS 8:12

Johanán, Hacatán taɨ, Azgad iñemuña pegua, jare jae ndive ciento diez kuimbae jae jëtara;

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

SALMOS 78:56

Ërei jae reta ojäa jare omboarasɨuka Tumpa Tuichagüe yae ete vae, jare mbaetɨ oyapo reta jae iporookuai;

JEREMÍAS 11:10

Iyoa reta iñemuñagüe reta iyoa rami, echa jae reta mbaetɨ oipota oyeapɨsaka cheñee reta re, omboete reta tumpa-raanga reta. Judá jare Israel mbaetɨ omboete morogüɨrökuavee päve ayapo iñemuñagüe reta ndive vae.

JEREMÍAS 16:11

Jayave nde ere chupe reta: ‘YandeYa jei: Peñemuñagüe reta chereeya jare omboete reta tumpa-raanga reta; oyeokuai jare oyetavatɨka reta chupe reta; chereeya reta jare mbaetɨ oyapo reta cheporookuai.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 2:23

¿Kërai pa ndepuere rere: ‘Mbaetɨ ko chekɨa Tumpa jóvai, mbaetɨ vi amboete tumpa-raanga Baal reta’? Emae kërai ndereko ɨvɨpe kavi pe vae re, emae opaete mbae kërai reyapogüe re. Nde ko, camello kuña taɨrusu vae rami, resɨi oipota rupi vae;

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 9:14

Oyapo reta ipɨa jemimbotaño jare omboete reta tumpa-raanga Baal reta, tu reta omboe jese rami.

NÚMEROS 25:3

jökorai oyemboya reta tumpa-raanga Baal-peor re; jare yandeYa iyarasɨ ikotɨ reta,

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 4:25

Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,

JUECES 10:10

Jayave oyerure reta yandeYa pe omborɨ reta vaerä, jare jei reta: “OreTumpa, oreyoa ndekotɨ, echa rosɨrɨ ndegüi jare rojo romboete jare royeokuai baal reta pe.”

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 13:1

Israel iñemuña reta jekuae oyapo ye ikavimbae yandeYa jesa róvai, jare yandeYa omee filisteo reta ipo pe cuarenta año rupi.

JUECES 3:12

Israel iñemuña reta jekuae oyapo ye ikavimbae yandeYa jesa róvai; jáeramo yandeYa omee mbaepuere Eglón mburuvicha guasu Moab pegua pe Israel re, oyapo reta ikavimbae yandeYa jesa róvai jeko pegua.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.

JUECES 4:1

Aod omano güire, Israel iñemuña reta oyapo ye ikavimbae yandeYa jesa róvai,

JUECES 6:1

Jare Israel iñemuña reta oyapo ikavimbae yandeYa jesa róvai; jare yandeYa omee reta Madián iñemuña reta ipo pe chiu año rupi.

JUECES 6:25

Jókuae pɨ̈tu voi yandeYa jei Gedeón pe: —Eipɨɨ metei toro nderu jɨmba güi, toro mokoía chiu año vae, jare opa emboai Baal pegua mɨmba oyeyuka oyeapɨ jese vae nderu imbae jare eyasɨa vi Asera iä oï jae ndive vae,

JUECES 8:33

Gedeón omano güire Israel iñemuña reta jekuae oyerova ye Tumpa güi omboete vaerä baal reta, jare oiparavo reta itumparä Baal-berit.

1 SAMUEL 12:10

Jare jae reta güɨroäse jare jei reta yandeYa pe: ‘Oreyoa echa rosɨrɨ ndegüi oreYa jare romboete tumpa-raanga Baal reta jare Astarot, orereepɨ orerovaicho reta ipo güi, jare toroyeokuai ndeveño.’

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”

1 SAMUEL 7:4

Jayave Israel iñemuña reta oekɨ omombo Baal iä reta, jare Astarot iä reta, jare omboete reta yandeYaño.