JUECES 18:4 - Biblia Guarani Tumpa Iñee

⁴ Jare jókuae kunumi levita omombeu opaete Micaía oyapo chupe vae, jare oyapo isacerdoterä vae.

JUECES 18:4 ပူးပေါင်းရင်းမြစ်များ

PROVERBIOS 28:21

Yayoparavoño yayoparareko vae mbaetɨ ko ikavi; metei mbɨyape jaɨgüe re ave, ipuere ko yandeyoa.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

Hechos 20:33

Mbaetɨ aipota amae ïru vae ikorepoti, ioro ani jemimonde re.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

JUECES 17:10

Micaía jei chupe: —Epɨta jayave chépɨri kuae pe, reiko vaerä chesacerdoterä jare chemboarakuaa vaerä. Che amboepɨta ndeve payandepo siclo reare korepoti pegua año pe, jare ameeta vi ndeve tembíu jare temimonde. Jare levita opɨta joko pe.

JUECES 17:12

Jare Micaía oñono tee isacerdoterä jókuae levita, jare opɨta oiko Micaía pɨri jo pe.

JUECES 18:3

Micaía jo güi köi ma yogüɨraja yave oikuaa reta jókuae kunumi levita iñee, jare yogüɨraja reta oparandu chupe: —¿Kia pa ndereru kuae kotɨ? ¿Maera pa kuae pe reï? ¿Jare mbae pa reyapo kuae pe?

JUECES 18:5

Jayave jae reta jei chupe: —Eparandu Tumpa pe, kuae royu rojo vae jaekavita ra oreve.