JUECES 18:28 - Biblia Guarani Tumpa Iñee

²⁸ Mbaetɨ kia oepɨ reta vaerä, echa mombɨrɨ ñogüɨnoi Sidón güi, mbaetɨ vi oñemoïru kia ndive. Kuae tëta guasu oï ɨvɨpe kavi Bet-rehob pe. Jaɨkue rupi Dan iñemuña reta omopüa pɨau ye jókuae tëta guasu jare opɨta oñemoëta joko pe.

JUECES 18:28 ပူးပေါင်းရင်းမြစ်များ

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

2 SAMUEL 14:6

che nderembiokuai anoi tëi mókoi chemembɨraɨe reta, jare kó pe ñogüɨnoi yave oñoraro reta, jare mbaetɨ kia ombosɨrɨ vaerä oyougüi ramo, metei ombopere ïru jare oyuka.

2 SAMUEL 24:6

Jaɨkue rupi yogüɨraja reta Galaad kotɨ jare ɨvɨpe Hodsi kotɨ. Joko güi yogüɨraja reta Danjaán kotɨ jare ɨvɨ Sidón rupi.

SALMOS 50:22

“Peikuaa kavi kuae, pe reta peakañɨ Tumpa güi vae, agüɨye vaerä opa pombojaɨ jaɨ, javoi mbaetɨ kia pereepɨ vaerä;

SALMOS 7:2

¡Chereepɨ, echa jae reta yaguapope rami chemopächa retata, mbaetɨ reve kia chereepɨ!

ISAÍAS 23:12

Jare jei Sidón pe: “Ngaraa ma peapirai, Sidón pegua reta, oyuvanga katu kia peré vae reta. Pepüa, peasa vaerä Quitim kotɨ, ërei ngaraa joko pe ave peiko pɨagüive.”

ISAÍAS 23:4

Nemara Sidón, echa ɨguasu yavaete vae jei: “Mbaetɨi chemembɨ, mbaetɨi ayekuaku, mbaetɨi ambokuakuaa kunumi reta ani kuñatai reta.”

NÚMEROS 13:21

Jare jae reta yogüɨraja omae jókuae ɨvɨ re, ñuu Zin güive Rehob kotɨ, Hamat pe yaiketaa pe.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JOSUÉ 19:28

joko güi oasa Hebrón, Rehob, Hamón jare Caná rupi, ojo oväe tëta guasu Sidón pe regua.

JUECES 18:1

Jókuae ara rupi mbaetɨ vɨteri mburuvicha guasu Israel pe. Dan iñemuña reta mbaetɨ vɨteri vi güɨnoi ɨvɨ imbae ae, Israel iñemuña reta ipɨte pe. Jáeramo oeka yogüɨreko ɨvɨ pɨpe oñemoëta vaerä.

JUECES 18:29

Jare ombojee Dan, iñemuñagüe jee pe, jae ko Israel taɨ; tenonde yave jee yepi kuae tëta guasu Lais.

JUECES 18:7

Jayave jókuae pandepo kuimbae vae reta opa oë yogüɨraja oväe tëta Lais pe. Jare oecha reta jókuae tëta pegua reta yogüɨreko pɨagüive Sidón pegua reta rami, oyepokuaa mbaetɨ kia omoambeko jare mbaetɨ mbae oata chupe reta. Mombɨrɨ yogüɨreko oyougüi Sidón pegua reta ndive jare mbaetɨ oñemoïru reta kia ndive ave.