JUECES 18:2 - Biblia Guarani Tumpa Iñee

² Jáeramo Dan iñemuña reta güi omondo reta pandepo kuimbae jëia yae vae Zora jare Estaol güi, kuae reta yogüɨraja omae jare oikuaa kavi vaerä kërai ko jókuae ɨvɨ. Jei reta chupe: “Pekua peikuaa kavi ɨvɨ.” Jare jókuae pandepo vae reta yogüɨraja Efraín pegua ɨvɨtɨ pe jare yogüɨraja oväe Micaía jo pe, joko pe oke reta.

JUECES 18:2 ပူးပေါင်းရင်းမြစ်များ

GÉNESIS 42:9

Jayave José imaendúa ipaɨu re, tɨkeɨ reta regua, jare jei chupe reta: —Oporopïaro vae ko pe reta; peyu ko pemae, peikuaa kavi vaerä jëgua ra kuae ɨvɨ vae.

PROVERBIOS 20:18

Yemongeta reta oyeapo kavi yemboarakuaa kavi rupi; ñeraro oyeapo arakuaa katu rupi kavi.

NÚMEROS 13:17

Moisés omondo omae reta vaerä ɨvɨ Canaán re, jei chupe reta: —Pekua kuae güi ɨvɨ Neguev rupi jare peyeupi ɨvɨtɨ reta rupi,

San Lucas 14:31

Ani metei mburuvicha guasu ikɨ̈reɨ yave ojo oñeraro ïru mburuvicha guasu ndive, ¿oguapɨta räriä pa oyemongeta kavi, ipuereta ra jókuae diez mil isundaro reta ndive omoamɨri jókuae veinte mil sundaro ndive oporepeña ikotɨ vae?

JOSUÉ 15:33

Ɨvɨpe kavi rupi tëta guasu ñogüɨnoi vae jae: Estaol, Zora, Asena,

JOSUÉ 19:41

Jare kuae ɨvɨ pe ñogüɨnoi tëta guasu: Zora, Estaol, Ir-semes,

JOSUÉ 2:1

Josué, Nun taɨ omondo vɨari Sitim güi mókoi oporopïaro vae, jei reve chupe reta: “Pekua pemae ɨvɨ re jare tëta guasu Jericó re.” Jayave jae reta opa yogüɨraja jare oike reta opɨta metei kuña iyaguasa pota vae, Rahab jee vae jo pe.

JOSUÉ 2:2

Ërei ïru vae oikuaauka mburuvicha guasu Jericó pegua pe, jei: —Ko yogüeru kuae pɨ̈tu kuimbae reta, Israel iñemuña reta, omae vaerä kuae ɨvɨ re.

JUECES 13:2

Zora pe oiko metei kuimbae Manoa jee vae Dan iñemuña pegua; jembireko mbaetɨ imembɨ, echa imembɨmbae ko.

JUECES 13:25

Jare metei ara Sansón oï Dan iñemuña reta jeyupa pe Zora jare Estaol ipäu pe yave. YandeYa iEspíritu omboɨpɨ oparavɨkɨ jese.

JUECES 16:31

Jaɨkue rupi Sansón jëtara reta yogüeru güɨraja jëogüegüe, jare oñotɨ reta Zora jare Estaol ipäu pe, tu Manoa jɨvɨa oïa pe. Veinte año rupi Sansón oiko Israel iñemuña reta juvicharä.

JUECES 17:1

Ɨvɨtɨ ɨvɨ Efraín pegua pe oiko metei kuimbae Micaía jee vae,

JUECES 18:11

Jayave seisciento kuimbae Dan iñemuña pegua ñogüɨnoe Zora jare Estaol güi jembiporu ñeraro pegua reve reve,

JUECES 18:13

Joko güi yogüɨraja Efraín pegua ɨvɨtɨ pe, jare yogüɨraja oväe Micaía jo pe.

JUECES 18:3

Micaía jo güi köi ma yogüɨraja yave oikuaa reta jókuae kunumi levita iñee, jare yogüɨraja reta oparandu chupe: —¿Kia pa ndereru kuae kotɨ? ¿Maera pa kuae pe reï? ¿Jare mbae pa reyapo kuae pe?

JUECES 18:8

Jayave jókuae pandepo kuimbae yogüɨraja omae vae yogüeru ye Zora jare Estaol pe, jëtara reta ñogüɨnoia pe yave, oparandu reta chupe: —¿Kërai pa peguata? Jayave jae reta jei:

JUECES 19:1

Jókuae ara rupi, ndei vɨteri oime mburuvicha guasu Israel pe yave, oiko metei levita ketɨgua mombɨrɨ Efraín pegua ɨvɨtɨ re, jae güɨreko jembirekorä metei kuña Belén, Judá pegua.

JUECES 19:18

Jare levita jei chupe: —Belén Judá pegua güi ko royu roasa koropi rojo vaerä mombɨrɨ Efraín pegua ɨvɨtɨ kotɨ che aikoa pe. Aja Belén Judá pegua pe, añave ayu aja cherëta kotɨ, ërei mbaetɨ roväe kia jo pe roputuu vaerä.