JUECES 17:5 - Biblia Guarani Tumpa Iñee

⁵ Micaía güɨnoi tumpa-raanga reta jenda, jare oyapo temimonde iyɨvambae jare mbae iä reta jare ombojee metei taɨ reta güi sacerdoterä.

JUECES 17:5 ပူးပေါင်းရင်းမြစ်များ

GÉNESIS 31:19

Jare Labán ojo oñapi ivecha reta ramboeve, Raquel oñomi tu itumpa-raanga reta.

GÉNESIS 31:30

Ërei añave reyu ma reo, echa nekɨ̈reɨño mai reyerova ye nderu jëta kotɨ, jayave ¿maera pa peñomi chetumpa reta?

1 REYES 12:31

Jare oyapouka vi mbaemboete renda ɨvɨtɨ ñavo re, jare oñonouka sacerdoterä tëta pegua reta ipɨte güi, Leví iñemuña peguambae vae güi.

1 REYES 12:32

Ombojee vi oyeapo vaerä metei arete ikavi yae vae quince ara juri yasɨa pe, Judá pe arete ikavi yae vae oyeapo rami, jare jae etei omee mɨmba oyeyukagüe, mɨmba oyeyuka oyeapɨ jese vae re. Oyapo Bet-el pe, omee mɨmba oyeyukagüe toro taɨrusu iä oyapogüe pe. Jókuae mbaemboete renda oyapoa pe ombojee vi sacerdote retarä.

ESDRAS 1:7

Jare mburuvicha guasu Ciro güɨnoe opaete tembiporu reta tumpa-raanga reta jo güi, Nabucodonosor güɨraja Jerusalén güi yandeYa jo güi vae.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

ÉXODO 28:15

Jökorai vi toyapo reta pɨtía regua morojäa pegua, ipoki ombaapo vae jembiapo; temimonde iyɨvambae oyeapo rami toyapo reta vi oro pegua, vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe pegua,

ÉXODO 28:4

Toyapo reta kuae nunga temimonde reta: Pɨtía regua, temimonde iyɨvambae, ñeapevaka, temimonde oyekuatiagüe, äka-ɨru jare kuakuaa. Körai toyapo reta jókuae temimonde reta ikavi yae vae nderɨkeɨ Aarón peguarä jare taɨ reta peguarä, yogüɨreko vaerä chesacerdoterä.

ÉXODO 29:9

eñono kuakuaa Aarón ikúa re jare taɨ reta ikúa re, jare eñono kavi jese reta äka-ɨru, jökorai yogüɨreko vaerä chesacerdoterä jekuae avei pegua. Körai eñono tee Aarón jare taɨ reta.

ISAÍAS 44:13

Ɨvɨra pegua mbaravɨkɨ pe oparavɨkɨ vae oipɨɨ tembiporu reta mbae ojäa pɨpe vae, jare ojäa kavi opaete mbaembae oyapota vae, omokañɨmaa lapi pe jare omboɨpɨ oparavɨkɨ; oyapo metei kuimbae iä, ombokavi kuimbae rami, javoi oñono o pe.

EZEQUIEL 21:21

Echa mburuvicha guasu Babilonia pegua ojota tape jakambɨa pe, jókuae mókoi tape oyemboɨpɨa pe, oyembosuerte vaerä uvɨ rupi, oparandu itumpa-raanga reta pe jare mbaemɨmba ipɨagüe rupi oikuaa vaerä.

EZEQUIEL 21:26

Che ndeYa Tumpa jae körai: Opɨ̈rota ndegüi neäka-regua, jare äka-regua jembipe vae, jare opaete oyepoepɨta. ¡Oyembotuichata, oñemomichi yogüɨreko vae reta jare oñemomichita, oyembotuicha yogüɨreko vae reta!

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

OSEAS 8:14

Israel oyapo o reta ikavigüe, ërei ñakañɨ iYapoa Tumpa güi, Judá omopüa jeta tëta guasu reta jëguambae, ërei che opata amboai tata pe jókuae tëta guasu reta, jare mburuvicha guasu jo reta opata oyemboai.”

NÚMEROS 3:10

Eñono Aarón jare opaete iñemuña oyapo reta vaerä sacerdote pegua mbaravɨkɨ; ërei oipotagüeño oyapo yave jókuae mbaravɨkɨ, tomano.”

Hebreos 5:4

Jare mbaetɨ kia ipuere oyeparavo jaeiño, oiko vaerä sacerdote tenondegua eterä. Jaeño Tumpa oiparavo vae ipuere oiko sacerdote tenondegua eterä, Aarón oyeparavo vae rami.

JUECES 17:4

Micaía omee ye güire korepoti ichɨ pe, jae omee jókuae dosciento reare korepoti, ipoki mbae iä korepoti pegua oyapo vae pe, oyapouka vaerä metei mbae iä oñeova korepoti pe vae, oñono vaerä Micaía jo pe.

JUECES 18:14

Jayave jókuae pandepo yogüɨraja oikuaa ɨvɨ Lais vae reta jei jëtara reta pe: —¿Peikuaa pa kuae pe oime mbae vae? Kuae pe oime temimonde iyɨvambae jare tumpa reta mbae iä oñeopa vae jare korepoti oyemondɨkuigüe pegua. ¿Peyemongeta kavi mbae peyapo vaerä?

JUECES 18:24

Jare Micaía jei chupe reta: —Pe reta peru peraja chegüi chetumpa reta, che ayapo vae, jare peraja vi chegüi chesacerdote, jare chereeya köraiño. Jare peparandu yeño cheve: ¿Maratu ra aiko vae?

JUECES 18:30

Joko pe Dan iñemuña reta oñono tumpa-raanga reta oñemopöra oyeapo vae omboete reta vaerä, jare isacerdote jae ko Jonatán, Gersón taɨ, Moisés jɨmɨmino. Jaɨkue rupi Jonatán iñemuña reta yogüɨreko Dan iñemuña reta isacerdoterä, oyererajauka reta regua tembipɨɨrä.

JUECES 8:27

Jókuae oro güi Gedeón oyapo tumpa-raanga, jare oñono Ofra pe, jae jëta pe, jare opaete Israel iñemuña reta yogüɨraja joko pe jókuae tumpa-raanga jeko pegua jare opia reta Tumpa güi; kuae rupi ou yemboavai Gedeón pe jare jo pegua reta pe.

1 SAMUEL 19:13

Javoi Mical oipɨɨ mbae iägüe omboyapakua tupa pe, jare kavara jaagüe oñono iñäkarä, jare omboyasoi oñono.

1 SAMUEL 23:6

Abiatar, Ahimelec taɨ otekuarai ojo oñemoïru vaerä David ndive Keila pe yave, güɨraja ipo pe temimonde iyɨvambae sacerdote pegua.