JUECES 17:4 - Biblia Guarani Tumpa Iñee

⁴ Micaía omee ye güire korepoti ichɨ pe, jae omee jókuae dosciento reare korepoti, ipoki mbae iä korepoti pegua oyapo vae pe, oyapouka vaerä metei mbae iä oñeova korepoti pe vae, oñono vaerä Micaía jo pe.

JUECES 17:4 ပူးပေါင်းရင်းမြစ်များ

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 44:13

Ɨvɨra pegua mbaravɨkɨ pe oparavɨkɨ vae oipɨɨ tembiporu reta mbae ojäa pɨpe vae, jare ojäa kavi opaete mbaembae oyapota vae, omokañɨmaa lapi pe jare omboɨpɨ oparavɨkɨ; oyapo metei kuimbae iä, ombokavi kuimbae rami, javoi oñono o pe.

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

JUECES 17:5

Micaía güɨnoi tumpa-raanga reta jenda, jare oyapo temimonde iyɨvambae jare mbae iä reta jare ombojee metei taɨ reta güi sacerdoterä.

JUECES 18:17

Jare jókuae pandepo vae reta oike o pe jare oipɨɨ reta mbae iä oñeopa vae jare korepoti oyemondɨkuigüe pegua, jare temimonde iyɨvambae sacerdote imiari ramboeve öke pe jókuae seisciento kuimbae reta ndive.