JUECES 17:10 - Biblia Guarani Tumpa Iñee

¹⁰ Micaía jei chupe: —Epɨta jayave chépɨri kuae pe, reiko vaerä chesacerdoterä jare chemboarakuaa vaerä. Che amboepɨta ndeve payandepo siclo reare korepoti pegua año pe, jare ameeta vi ndeve tembíu jare temimonde. Jare levita opɨta joko pe.

JUECES 17:10 ပူးပေါင်းရင်းမြစ်များ

GÉNESIS 45:8

Jayave mbaetɨ ko pe reta chembou kuae kotɨ, Tumpa etei ko chembou jare cheñono Faraón imborɨarä, jo pegua reta iyarä, jare opaete kuae ɨvɨ Egipto juvicharä.

2 REYES 13:14

Eliseo imbaerasɨ jeiete yae, omanota ma, jare Joás, mburuvicha guasu Israel pegua ojo omae jese, oäpiro jare oiküava, jei reve: —¡Cheru! ¡Cheru! Nde reiko ɨvɨ Israel peguarä sundaro reta imbaepuere yae vae rami.

2 REYES 2:12

Kuae oecha Eliseo yave, osapúkai: “¡Cheru, cheru, nde reiko ɨvɨ Israel peguarä sundaro reta imbaepuere yae vae rami!” Jare mbaetɨ ye ma oecha. Jayave Eliseo oipɨɨ jemimonde omondoro mókoi yemboyao pe.

2 REYES 6:21

Jare mburuvicha guasu Israel pegua oecha reta yave, oparandu Eliseo pe: —¿Ayuka retata pa, cheru?

JOB 29:16

¡Mbae re oata vae reta turä, ketɨgua reta aepɨ vaerä!

ISAÍAS 22:21

amondeukata chupe nderemimonde, aumbɨkuata ndekuakuaa pe, amboasata chupe mbaepuere reta renoi tëi vae. Jare jae oïta Jerusalén pegua reta jare Judá pegua reta turä.

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

San Mateo 26:15

jare jei chupe reta: —¿Mbae pa pemeeta cheve, amboeterenga yave Jesús peve? Jayave jae reta jei omee vaerä chupe treinta reare korepoti pegua.

San Juan 12:6

Ërei mbaetɨ jei jökorai paravete vae reta omborɨ vaerä. Jei jökorai imonda ramo. Echa güɨnoi korepoti ïru vae reta omee chupe reta vae jɨru, jare oekɨ vɨari yepi korepoti iyeupeguarä.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

JUECES 17:11

Jókuae Levita ikɨ̈reɨ opɨta oiko vaerä Micaía pɨri, jare jae oiko chupe taɨ rami.

JUECES 17:9

Jare Micaía oparandu chupe: —¿Ketɨ güi pa reyu? Kunumi jei: —Belén güi, levita ko che, aeka aiko kia pe aiko vaerä.

JUECES 18:4

Jare jókuae kunumi levita omombeu opaete Micaía oyapo chupe vae, jare oyapo isacerdoterä vae.

1 SAMUEL 2:36

Jayave neñemuña güi opɨtaño vae outa oyetavatɨka oñemomichi reve sacerdote jóvai korepoti re, ani tembíu re jei reve: Romoñera remee vaerä mbaravɨkɨ cheve sacerdote reta ipɨte pe, chepuere vaerä akaru.’ ”