JUECES 16:30 - Biblia Guarani Tumpa Iñee

³⁰ Jayave Sansón jei: “¡Filisteo reta tomano che ndive!” Jayave omoaña opaete ipɨ̈rata ndive jare tupao osururu filisteo reta juvicha reta re jare opaete joko pe ñogüɨnoi vae reta re. Sansón omano yave jeta yae oporoyuka tenonde yave oporoyuka vae güi.

JUECES 16:30 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

JOB 20:5

Iyoa vae reta iyerovia mbaetɨ ɨma oiko, oyerovia michi peguaño.

JOB 31:3

¿Jeko pɨ̈chɨi vae retaä yera osusereta, ani iyoa vae reta?

SALMOS 62:3

¿Kërai yave regua pa yemongeta ikavimbae peyapota peiko chekotɨ? Echa opaete pe reta peipota chereitɨ, ovapetea oa rami ani kesemba opa oa rami.

ECLESIASTÉS 9:12

Ïru yé jae ko, mbaetɨi kia oikuaa kërai yave ko maratuta oiko vae: Jevae reta oa pɨsa pe rami, güɨra reta oa ñuai pe rami, jökorai kuimbae ámope iparanoe oa ikavimbae pe.

San Mateo 16:25

Echa opaete oipota oepɨ jekove vae, okañɨteita ko. Ërei opaete omee jekove chereko pegua vae, oikoveta ko.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

Filipenses 2:8

Jare kuimbaerä oyeapo ma yave, oñemomichi yeti, oyapo Tumpa jei vae omano regua, omano kurusu re.

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

JUECES 14:19

YandeYa iEspíritu ou jese, jare ojo tëta Ascalón kotɨ joko pe oyuka treinta kuimbae opa opɨ̈ro chugüi reta imbaembae jare pɨpe omboepɨ jókuae ñee yavai vae omombeu chupe vae reta pe. Jare ojo tu jëta pe iyarasɨ yae reve,

JUECES 15:15

javoi oipɨɨ mburika jañɨkagüe ndei ave otini ete vae, pɨpe oyuka mil filisteo.

JUECES 15:8

Jare oporepeña jese reta iyarasɨ yae reve opa regua ikägüe oakɨo kɨo oyuka. Jare ojo oiko ɨvɨkua oï ɨ̈vavira Etam pe vae pe.

JUECES 16:29

Sansón opovɨvɨ jókuae mókoi okɨta opaete o oguapɨ jese vae re, ipo iyakatu oñono metei re jare ipo iyasu oñono ïru re.

JUECES 16:31

Jaɨkue rupi Sansón jëtara reta yogüeru güɨraja jëogüegüe, jare oñotɨ reta Zora jare Estaol ipäu pe, tu Manoa jɨvɨa oïa pe. Veinte año rupi Sansón oiko Israel iñemuña reta juvicharä.