JUECES 16:27 - Biblia Guarani Tumpa Iñee

²⁷ Opaete filisteo reta jare juvicha reta ñogüɨnoi jókuae tupao pe, o ɨvategua pe kuimbae jare kuña reta oupitɨ tres mil ñogüɨnoi joko güi omae reta kërai oyuvanga Sansón re oyembovɨa katu reta vaerä.

JUECES 16:27 ပူးပေါင်းရင်းမြစ်များ

2 SAMUEL 11:2

Jare metei ara kaaru yave, David opüa jupa güi, jare oë oguata o iárambo ipe kavi vae rupi; jare joko güi oecha metei kuña ipöra yae vae oyau oï.

DEUTERONOMIO 22:8

Pemopüa yave o ipɨau vae, iyapɨte ipe vae jembeɨ rupi peyapo vi ikësea reve; jökorai agüɨye vaerä penoi teko kia oa yave o iárambo güi.

JOSUÉ 2:8

Jayave jókuae kuimbae oporopïaro vae reta ndei oke mbove, Rahab oyeupi jae reta ñogüɨnoia pe o iárambo, jare jei chupe reta:

JUECES 16:26

Jayave Sansón jei kunumi oipoko vae pe: —Chereraja, jare chembopoko mókoi okɨta opaete o oguapɨ jese vae re, ayeko vaerä jese.

JUECES 16:28

Jayave Sansón oyerure yandeYa pe, jare jei chupe: “CheYa Tumpa, nemaendúa añave cheré, chemomɨ̈rata, romoñera kuae mókoi cheresa re ayepɨ vaerä opaete re metei jeia pe.”

JUECES 9:51

Jókuae tëta mbɨte pe oime metei o ɨvate, joko pe oñemi opaete jókuae tëta pegua reta, kuimbae jare kuña reta jare opaete mburuvicha reta. Oyokenda reta öke omotäta reve japɨpe kotɨ jare oyeupi reta o iárambo;