JUECES 16:2 - Biblia Guarani Tumpa Iñee

² Gaza pegua reta oikuaa Sansón oime ko oï jókuae tëta pe yave, oimama reta jare oäro reta öke opaete jókuae pɨ̈tu, oyemongeta reta oyuka vaerä köe ma yave.

JUECES 16:2 ပူးပေါင်းရင်းမြစ်များ

San Mateo 21:38

Ërei ko iporúa reta oecha yave uvarupa iya taɨ, jei reta oyoupe: Kuae ko jae ko iyarä vae. Peyu yayuka, ñapɨ̈ro chugüi iko.

San Mateo 27:1

Jare köe ma yave, opaete sacerdote reta itenondegua reta, jare tëta pegua reta itenondegua reta oyemongeta oyukauka vaerä Jesús.

San Lucas 21:20

Jare peecha jeta sundaro reta Jerusalén oñova yave, peikuaata ou ma ko oväe Jerusalén oyemboai vaerä.

Hechos 23:15

Jáeramo pe reta ïru mburuvicha judío reta ndive peiporu sundaro jeta vae juvicha pe togüeru peróvai Pablo pɨareve. Pe reta peipota peparandu kavi mbae re chupe vae re rami. Jayave ore rokätɨrota roï jese royuka vaerä, ndei ou oväe mbove.

Hechos 9:24

Ërei kuae jërakua Saulo pe. Jae reta oäro tëta guasu jöke reta rupi ara rupi jare pɨ̈tu rupi, oyuka vaerä tëi.

JUECES 15:18

Jare Sansón oyaporai yae ma ɨuve ramo, oenɨi yandeYa jare jei chupe: “¿Remaeñota pa cheyuka ɨuve kuae itumpa-raanga pota vae reta ipɨte pe, remee güire aporomoamɨri?”

JUECES 16:3

Ërei Sansón jaeño oke pɨare mbɨte regua. Pɨare mbɨte opüa jare ojo tëta guasu jöke oekɨ jöke-ɨta reve jare oñemotäta pɨpe vae, jare oñono ikupe re güɨroyeupi ɨvɨtɨ ɨvate vae oï Hebrón jóvai vae re.

1 SAMUEL 19:11

Saúl omondo ñee jerajaa reta David jëta pe, oäro reta vaerä jare oyuka vaerä ndeimbove yave. Ërei jembireko Mical omombeu David pe jei reve: —Mbaetɨ yave kuae pɨ̈tu retekuarai, ndeimbove remanota.

1 SAMUEL 23:26

Jare ɨvɨtɨ iyɨ́vɨri rupi Saúl ojo isundaro reta ndive, jare jókuae ɨvɨtɨ ikupe rupi David ojo jupiegua reta ndive, ojoyepe vaerä Saúl güi, ërei Saúl jare isundaro reta oikëse David jupiegua reta ndive oipɨɨ vaerä.