JUECES 15:19 - Biblia Guarani Tumpa Iñee

¹⁹ Jayave Tumpa oipea ɨvɨkua Lehi pe oï vae; jare oë ɨ joko güi, Sansón jou jókuae ɨ, jare oyandu ipɨ̈rata ye. Jáeramo jókuae ɨesaɨ oï añave Lehi pe vae ombojee En-hacore.

JUECES 15:19 ပူးပေါင်းရင်းမြစ်များ

GÉNESIS 16:13

Jayave Agar ombojee yandeYa jae ndive imiari vae: “Nde jae Tumpa chereecha vae”, echa jei: “Tumpa chereecha jare aikoveño.”

GÉNESIS 28:19

Jare jókuae opɨtaa ombojee Bet-el, tenonde yave jókuae tëta jee yepi Luz.

GÉNESIS 30:30

Echa mbovɨ renoise ndei ayu mbove, jare añave oñemuña jeta yeyé ndeve, che ayu kuae pe vae re yandeYa iporerekua nderé: Añave, ¿kërai yave pa aparavɨkɨta ma cheyeupe?

GÉNESIS 45:27

Jare jae reta omombeu opaete José jeigüe jare Jacob oecha José ombou käretou chupe güɨraja vaerä vae yave, ipɨa yerovia ye.

SALMOS 110:7

Oɨuta tape rupi ɨ̈aka raɨ güi, jókuae ɨ omoäta ngatu yeta.

SALMOS 120:1

YandeYa pe asapúkai, chepɨatɨtɨ aï yave, jare jae oendu cheve.

SALMOS 34:6

Che, paravete vae asapúkai jare yandeYa oendu cheve, jare chereepɨ opaete chepɨatɨtɨ güi.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

ÉXODO 17:15

Jare Moisés oyapo metei mɨmba oyeyuka oyeapɨ jese vae, jare ombojee “yandeYa-nissi,”

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 40:29

Jae omomɨ̈rata ikangɨ vae, jare omoïru mɨ̈rata, mbaetɨ etei güɨnoi vae pe.

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

NÚMEROS 20:11

Jayave Moisés oupi ipo, jare oiporu ipopoka ɨ̈vavira re mókoi ye rupi, jare oë jeta ɨ, jare opaete vae oɨu jare jɨmba reta.

JUECES 15:9

Jayave filisteo reta yogüeru oyembojeyupa Judá pe, oñemoai reta Lehi kotɨ,

1 SAMUEL 30:12

omee reta vi chupe michi ɨva oñemotini oyeapasogüe, jare mókoi iɨ uva iagüe oñemotini oyeapasogüe, jare opa okaru yave ipɨ̈rata ye, echa mboapɨ ara ma jare mboapɨ pɨ̈tu ma mbaetɨ okaru jare ɨ jou.