JUECES 14:15 - Biblia Guarani Tumpa Iñee

¹⁵ jayave irundɨa ara pe jei reta Sansón jembireko pe: —Eeka kërai neme omombeu vaerä ndeve mbae ra oipota jei jókuae jei oreve vae, mbaetɨ yave roapɨta jare nerëtara reta opata vi roapɨ. ¡Pepɨ̈ro orembaembae oregüi vaeräño ndipo peparea oreve!

JUECES 14:15 ပူးပေါင်းရင်းမြစ်များ

PROVERBIOS 1:11

Jei yave ndeve reta: “Eyu ore ndive; yaeka kërai yaporoyuka vaerä, ñaipïaro jekombae.

PROVERBIOS 5:3

Echa kuña iyaguasa pota vae iñee jëe ngatu yae, iñee kaviasɨ, asaite iïchɨi kavi rami,

PROVERBIOS 6:26

Echa kuña iyaguasa pota vae ko, kuimbae güi oekɨ mbae vaeräño; menda re oyuvanga vae ko oipɨɨ kuimbae jekove etei.

MIQUEAS 7:5

Agüɨye erovia ndevɨa-ïru, agüɨye erovia mburuvicha iñee ave; nderembireko güi eyeandu, agüɨye emoë neñee.

JUECES 12:1

Jayave kuimbae reta Efraín iñemuña pegua reta oyomboatɨ jare oasa reta ɨ̈aka Jordán ɨvɨtuguasu kotɨ Zafón re katu, jare yogüɨraja jei reta Jefté pe: —¿Maera pa reasa reo reñeraro Amón iñemuña reta ndive remombeumbae reve oreve? Echa rojota tëi ko nderupíe, ¡añave, roapɨta ndero nde ndive!

JUECES 14:14

Jayave Sansón jei chupe reta: “Oporou vae güi oë tembíu; jare ipɨ̈rata yae vae güi oë jëe yae vae.” Mboapɨ ara rupi, jae reta mbaetɨño oikuaa mbae ra oipota jei vae;

JUECES 15:6

Filisteo reta omboɨpɨ oparandu kia ra jókuae oyapo vae, jare oikuaa reta Sansón ko oyapo, oyepɨ vaerä jembireko, tu omee tayɨ chugüi Sansón ichëi pe vae jeko pegua yave, yogüɨraja reta opa oapɨ kuña jare tu.

JUECES 16:5

Jare filisteo reta juvicha reta yogüeru Dalila pɨri, jare jei reta chupe: —Embotavɨ Sansón jare eikuaa chugüi kërai güi ko ipɨ̈rata yae vae, kërai ra orepuereta jese; jökorai roipɨɨ jare roñapɨti vaerä. Kuae reyapo yave romeeta ndeve metei ñavo mil cien reare korepoti pegua.