JUECES 13:8 - Biblia Guarani Tumpa Iñee

⁸ Jayave Manoa oyerure yandeYa pe jei: “CheYa, romoñera rembou ye vaerä jókuae kuimbae rembou vae, oremboe vaerä kërai rogüɨreko jókuae michia raɨ oata vae.”

JUECES 13:8 ပူးပေါင်းရင်းမြစ်များ

JOB 34:32

Chemboe mbaetɨ aikuaa vae re, ikavimbae ayapo yave, ngaraa ma ayapo ye.”

Hechos 9:6

Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

JUECES 13:11

Manoa opüa ojo jembireko ndive jókuae kuimbae oïa pe, jare jei chupe: —¿Jae pa nde ïru ara nemiari cherembireko ndive vae? Araɨgua jei chupe: —Jae ko che.

JUECES 13:3

Ërei yandeYa iaraɨgua oyekuaa chupe, jei reve: “Mbaetɨ nemembɨ, echa nde imembɨmbae ko. Ërei añave ndepuruata jare oata nemembɨ kuimbae.

JUECES 13:6

Jare kuña ojo imiari ime pe, jei chupe: “Metei kuimbae Tumpa jembiokuai ou chépɨri, jare chemongɨɨye yae, echa jova Tumpa iaraɨguaecha. Mbaetɨ aparandu chupe ketɨ güi ko ou vae ani kia ko vae, jae ave mbaetɨ oyemombeu cheve.

JUECES 13:7

Jae jei cheve: ‘Ndepuruata jare oata nemembɨ kuimbae; jáeramo añave güive agüɨyeta reu vino ani mbae oporombosavaɨpo vae ani tembíu peumbae vaerä pereko vae reta, echa michia raɨ Tumpa pe oñeñono tee vae ko nasareorä ko ndei oa güive voi, omano regua.’ ”

JUECES 13:9

Jare Tumpa oendu Manoa iyerure, araɨgua oyekuaa ye kuña pe, ko pe oï yave. Ërei ime Manoa mbaetɨ oï jae ndive ramo,