JUECES 13:6 - Biblia Guarani Tumpa Iñee

⁶ Jare kuña ojo imiari ime pe, jei chupe: “Metei kuimbae Tumpa jembiokuai ou chépɨri, jare chemongɨɨye yae, echa jova Tumpa iaraɨguaecha. Mbaetɨ aparandu chupe ketɨ güi ko ou vae ani kia ko vae, jae ave mbaetɨ oyemombeu cheve.

JUECES 13:6 ပူးပေါင်းရင်းမြစ်များ

GÉNESIS 18:2

Abraham omopüa iñäka jare oecha mboapɨ kuimbae reta yogüeru oväe jóvai; jare oecha yave osɨi oë ojo oövaiti reta vaerä, jare oyetavatɨka itindɨasɨ ɨvɨ re.

GÉNESIS 32:29

Jayave Jacob oparandu chupe, jei: —Añave nde emombeu cheve nderee. Jare jókuae kuimbae jei: —¿Maera pa reparandu cheve cheree re? Jare iporerekua jese joko pe.

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

1 REYES 17:24

Jare kuña imemano vae jei: —Añave aikuaa nde añetete jae Tumpa iñeemombeúa jare Tumpa iñee remombeu vae añete vae ko.

2 REYES 4:16

Jayave Eliseo jei chupe: —Año ou ye vae re, koyave rupi oimeta nemembɨ revoɨ. Jókuae kuña jei: —Agüɨye cheya, Tumpa iñeemombeúa, agüɨye eyuvanga katu che nderembiokuai kuña re.

2 REYES 4:9

Jayave jókuae kuña jei ime pe: —Mase, che aikuaa jókuae kuimbae kuae rupi oasa ñavo ou opou yandépɨri vae, jae ko Tumpa iñeemombeúa.

ÉXODO 3:2

Joko pe oyekuaa chupe yandeYa iAraɨgua metei yai jendɨ oï vae güi; jare omae yai jendɨ vae re, ërei jókuae yai mbaetɨ ókai.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

DANIEL 10:11

Javoi jei cheve: ‘Daniel, Tumpa jembiaɨu, eendu kavi kuae ñee reta jaeta ndeve vae: Epüa eyemboɨ; echa chembou ndekotɨ vae.’ Imiari che ndive ramboeve apüa ayemboɨ arɨrɨi reve.

DANIEL 10:5

Amopüa cheäka amae, jare ko aecha metei kuimbae jemimonde lino pegua vae jare ikuakuaa oro kavi Ufaz pegua rami.

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

San Lucas 1:19

Jayave araɨgua jei ye Zacarías pe: —Che ko jae Gabriel. Che jae Tumpa jembiokuai etei. Jae chembou chemiari vaerä ndeve jare amombeu vaerä ndeve kuae ñee ikavi vae.

San Lucas 9:29

Jare Jesús oyerure ramboeve, jova oyemoambuae jare jemimonde tïiasɨ jare jembipe.

Hechos 6:15

Jayave opaete joko pe mburuvicha judío reta oguapɨ ñogüɨnoi vae omae ngatu Esteban re, jare oecha jova araɨgua jovaecha chupe reta.

DEUTERONOMIO 33:1

Moisés, kuimbae Tumpa jembiokuai ndei omano mbove, jei kuae ñee kavi Israel iñemuña reta kotɨ

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

JOSUÉ 14:6

Judá iñemuña reta yogüeru Gilgal pe imiari vaerä Josué ndive; jare Caleb, cenezeo Jefone taɨ, jei Josué pe: “Nde reikuaa yandeYa Tumpa jei jembiokuai Moisés pe vae, cheregua jare nderegua Cades-barnea pe.

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

JUECES 13:10

jae osɨi ojo omombeu ime pe, jei: —¡Mase, jókuae kuimbae oyekuaa cheve vae oyekuaa ye ma cheve!

JUECES 13:22

jare jei jembireko pe: —Ñamanota ko, echa Tumpa yaecha.

JUECES 13:3

Ërei yandeYa iaraɨgua oyekuaa chupe, jei reve: “Mbaetɨ nemembɨ, echa nde imembɨmbae ko. Ërei añave ndepuruata jare oata nemembɨ kuimbae.

JUECES 13:7

Jae jei cheve: ‘Ndepuruata jare oata nemembɨ kuimbae; jáeramo añave güive agüɨyeta reu vino ani mbae oporombosavaɨpo vae ani tembíu peumbae vaerä pereko vae reta, echa michia raɨ Tumpa pe oñeñono tee vae ko nasareorä ko ndei oa güive voi, omano regua.’ ”

JUECES 13:8

Jayave Manoa oyerure yandeYa pe jei: “CheYa, romoñera rembou ye vaerä jókuae kuimbae rembou vae, oremboe vaerä kërai rogüɨreko jókuae michia raɨ oata vae.”

JUECES 6:11

Jare yandeYa iaraɨgua ou oguapɨ ɨvɨra encina Ofra pe oï vae igüɨ pe, jae ko Joás Abiezer iñemuña imbae. Gedeón, Joás taɨ ombopiriri oï trigo uva oñetɨamía pe, oñomi vaerä Madián iñemuña reta güi.

1 SAMUEL 2:27

Jare ou metei kuimbae Tumpa iñeemombeúa Elí pɨri jare jei chupe: “Körai jei yandeYa: ‘Peñemuñagüe reta oyeokuai yogüɨreko Faraón jo pe Egipto pe yave, che ayekuaauka kavi chupe reta.

1 SAMUEL 9:6

Jare jembiokuai jei chupe: —Mase, kuae tëta guasu pe oime oiko metei kuimbae Tumpa iñeemombeúa, kuimbae jërakua yae vae ko, jare opaete mbae jei vae oyeapo jae jei rami etei. Yaja ípɨri, güɨramoi jae omombeu kavita yandeve kerupi yaja vaerä.