JUECES 13:20 - Biblia Guarani Tumpa Iñee

²⁰ tata jendɨ opüa ɨvate yave, Manoa jare jembireko oecha reta jókuae Tumpa iaraɨgua ojo ara kotɨ tata jendɨ opüa vae rupi. Jayave oyetavatɨka itindɨasɨ reta ɨvɨ re.

JUECES 13:20 ပူးပေါင်းရင်းမြစ်များ

GÉNESIS 17:3

Jayave Abram oyetavatɨka jare itindɨasɨ ɨvɨ re; jare Tumpa imiari jae ndive, jei reve:

2 REYES 2:11

Imiari yogüɨraja yogüɨreko ramboeve, ko metei käretou tata katuai vae, kavayu reta tata katuai vae ndive ombosɨrɨ oyougüi; jare Elías oyeupi ara kotɨ metei kusumirou pe.

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

1 CRÓNICAS 21:21

Jare David ou oväe Ornán oïa pe yave, Ornán omae jare oecha David, jayave oë jókuae trigo ombopiriría güi jare oyetavatɨka itindɨ reve ɨvɨ re David jóvai.

1 CRÓNICAS 21:26

jare joko pe omopüa metei mɨmba oyeyuka oyeapɨ jese vae yandeYa pe, jare omee mɨmba oyeyukagüe opaetei oyeapɨ vae jare mɨmba oyeyuka oñemee mbɨakatu pegua vae. Javoi oyerure yandeYa pe, jare jae omboyevɨ chupe ombou reve tata ara güi mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae re.

SALMOS 47:5

¡YandeYa Tumpa oyeupi iguapɨa mborookuaía pegua pe, sapúkai yerovia katu pegua jare mimbɨguasu iñee ndive!

EZEQUIEL 1:26

Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.

EZEQUIEL 1:28

Okɨ yave yɨɨ oyekuaa ara re rami jembipeasɨ iyɨ́vɨri. Jökorai oyekuaa yandeYa iyemboetea. Kuae aecha yave, ayetavatɨka jare chetindɨasɨ ɨvɨ re, javoi aendu metei ñee.

DANIEL 10:9

Ërei aendu iñee; jare aendu ramboeve iñee reta amano tëi, aa ɨvɨ re cherova kotɨ rupi.

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

San Mateo 17:6

Jare Jesús jemimboe reta kuae oendu yave, oyetavatɨka reta itindɨ reve ɨvɨ re. Jare okɨɨye yae reta.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

JUECES 6:19

Jayave Gedeón ojo omboyɨ kavara kuimbae raɨ, jare veinte kilo trigokúi oyapo mbɨyape ovumbae; jare soo oñono kanata raɨ pe jare yapepo pe tembíu tɨɨgüe vae, jare güɨraja jókuae ɨvɨra encina igüɨ pe.

JUECES 6:21

Jare araɨgua ipo pe güɨnoi popoka vae pe oñátai soo jare mbɨyape, jare jókuae ita guasu güi oë tata, jare opa oapɨ soo jare mbɨyape; javoi yandeYa iaraɨgua okañɨ jóvai güi.