JUECES 11:39 - Biblia Guarani Tumpa Iñee

³⁹ Kuae jaɨkue rupi ou ye tu jëta pe, jare tu oyapo jae ndive oñererökuavee rami. Jökorai Jefté tayɨ omano oasambae reve kuimbae ndive.

JUECES 11:39 ပူးပေါင်းရင်းမြစ်များ

2 CRÓNICAS 35:25

Jare Jeremías oyapo metei tairari mbɨatɨtɨ pegua Josías imano re. Opaete kuimbae jare kuña oikatu otairari vae reta omboaɨkuere kuae tairari reta mbɨatɨtɨ pegua Josías re añave rupi. Kuae tairari oñejäa opaete Israel pe jare oime oyekuatía oï tairari reta mbɨatɨtɨ pegua oyekuatiaa pe.

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

DEUTERONOMIO 12:31

Agüɨye jökorai peyapo yandeYa Tumpa pe, echa opaete mbae ikavimbae yandeYa güɨröɨro vae, jae reta oyapo itumpa reta pe, echa taɨ jare tayɨ reta ave oapɨ tata pe itumpa reta peguarä.

JUECES 11:31

che tamee ndeve mbota oyeyukagüe opaetei oyeapɨ vae jókuae tenonde oë cherövaiti cherëta güi vae, ayerova ye yave ñeraroa güi.”

JUECES 11:38

Jare Jefté omee chupe mókoi yasɨ, jókuae ara rupi oguata iñeïru reta ndive ɨvɨtɨ rupi, oyaeo, echa omendambae omanota.

JUECES 11:40

Jáeramo Israel iñemuña reta jeko, jae ko año ñavo kuñatai reta yogüɨraja oyaeo irundɨ ara Jefté Galaad pegua tayɨ re.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 1:22

Ërei Ana mbaetɨ ojo, jei ime pe körai: —Che mbaetɨta aja kunumi raɨ okambu poi regua, jayave ramo araja voi vaerä aeya yandeYa ipo pe, jare opɨta ete vaerä oiko joko pe.

1 SAMUEL 1:24

Jare ombokambu poi güire, güɨraja jupíe; jare mboapɨ toro taɨrusu vae, jare veintidó kilo trigo jare metei jɨru vino; güɨraja yandeYa jo pe Silo pe; ërei kunumi raɨ michi vɨteri.

1 SAMUEL 1:28

Añave, che añono tee yandeYa peguarä; oikove oiko ramboeve toiko yandeYa imbaerä. Jare joko pe Elí omboete yandeYa.

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.