JUECES 11:36 - Biblia Guarani Tumpa Iñee

³⁶ Jare tayɨ jei chupe: —Cheru, eyapo che ndive jókuae reñererökuavee yandeYa pe vae, echa jae ombopo ma ndeve remoamɨri vaerä nderovaicho Amón iñemuña reta.

JUECES 11:36 ပူးပေါင်းရင်းမြစ်များ

2 SAMUEL 18:19

Jayave Ahimaas, Sadoc taɨ jei Joab pe: —Emaeño taja tamombeu mburuvicha guasu pe, kërai yandeYa oepɨ jovaicho reta ipo güi vae.

2 SAMUEL 18:31

Jaɨkue rupi ou Etiopíaɨgua, jae jei: —Eendu kuae ñee kavi cheruvicha guasu: Kuae ara yandeYa oyapo jupi vae cheruvicha guasu kotɨ, ndereepɨ oñemopüa ndekotɨ vae ipo güi.

2 SAMUEL 19:30

Ërei Mefi-boset jei chupe: —Jae topɨta opaete ɨvɨ ndive, ikavi yae ete vae jae ko mburuvicha guasu ou ye ma jo pe.

NÚMEROS 30:2

Kia nunga vae oyapo yave ñererökuavee yandeYa pe, ani jee re oñererökuavee mbae oyapo vaerä yave, tombopo iñee, toyapo opaete jeigüe.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Romanos 16:4

jae reta oñemoëgua mano pe chereepɨ vaerä. Jáeramo cheñoä amee yasoropai chupe reta, opaete judiombae vae oporogüɨrovia vae reta vi omee yasoropai chupe reta.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

JOSUÉ 12:2

Sehón, amorreo reta juvicha guasu, Hesbón pe oikose vae, iporookuaía oyemboɨpɨse Aroer güive, ɨ̈aka Arnón jembeɨ pe oï vae, jare ɨvɨtɨ päu ipe kavi mbɨte güive jare Galaad mbɨte güi, ɨ̈aka Jaboc kotɨ, Amón iñemuña reta iɨvɨ jembeɨ rupi,