JUECES 11:35 - Biblia Guarani Tumpa Iñee

³⁵ Jayave, jae oecha yave tayɨ, omondoro jemimonde jei reve: —¡Cherayɨ, tuicha chembopɨatɨtɨ! ¡Nde etei reyu chepɨatɨtɨrä, echa añererökuavee ko yandeYa pe, jókuae ambopota ko chupe!

JUECES 11:35 ပူးပေါင်းရင်းမြစ်များ

2 SAMUEL 18:33

Jayave mburuvicha guasu ipɨa kërai jare ojo o oï jókuae öke iárambo vae pe oyaeo. Jare oguata jare oyaeo reve jei: “¡Cheraɨ Absalón! ¡Cheraɨ Absalón! ¡Mbae mona che amano nderekovia pe! ¡Cheraɨ Absalón, cheraɨ!”

2 SAMUEL 3:31

Jayave David jei Joab pe jare opaete jupiegua reta pe: “Pemondoro peremimonde jare peyemonde temimonde mbɨatɨtɨ pegua pe, Abner imano re.” Jare mburuvicha guasu David ojo oiko tëogüe jaɨkue.

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

SALMOS 15:4

omotareɨ omae, oñemotareɨuka vae re vae, ërei güɨnoi mboromboete jókuae Tumpa güi oipoɨu vae re; ombopo avei iñee, yepe tëi yavai, mbaetɨ oipoepɨ iyemongeta.

SALMOS 66:13

Aiketa ndero pe amee ndeve mɨmba oyeyukagüe opaetei oyeapɨ vae; ameeta ndeve añererökuavee vae,

SALMOS 66:14

chepɨatɨtɨ aï yave, arökuavee ndeve vae.

NÚMEROS 14:6

Jare Josué, Nun taɨ jare Caleb, Jefone taɨ, kuae reta ko jókuae ɨvɨ re opa yogüɨraja omae vae, omondoro reta jemimonde ipɨatɨtɨ güi,

Hechos 23:14

Jayave jae reta yogüɨraja sacerdote reta itenondegua reta jare tëta guasu pegua reta itenondegua reta pe jare jei chupe reta: —Ore roe ma royepopeyu reve oreyé mbaetɨta mbae ave rou, royuka regua Pablo.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.