JUECES 11:29 - Biblia Guarani Tumpa Iñee

²⁹ Jare yandeYa iEspíritu ou Jefté re, jare jae oasa Galaad jare Manasés rupi, jare oasa vi Mizpa Galaad pegua rupi oike vaerä ojo Amón iñemuña reta iɨvɨ pe.

JUECES 11:29 ပူးပေါင်းရင်းမြစ်များ

GÉNESIS 31:49

jare Mizpa, echa Labán jei: —YandeYa tomae yanderé, yasɨrɨ ma oyougüi yave.

1 CRÓNICAS 12:18

Jayave Tumpa iEspíritu ou Amasai re, jae ko treinta vae reta itenondegua, jare jei: “¡Mbɨakatu toime ndeve David, Isaí taɨ! ¡Mbɨakatu toiko nde ndive! ¡Mbɨakatu toime ndeve jare ndemborɨ vae reta pe, echa neTumpa ndemborɨ!” David omboresive jare oñono reta isundaro ruvicha reta ipɨte pe.

NÚMEROS 11:25

Jayave yandeYa ogüeyɨ amapɨtu re, jare omomiari; jare oekɨ espíritu oï jese vae güi, jare oñono jókuae setenta kuimbae tenondegua reta re; jare espíritu ogüeyɨ iárambo reta yave omboɨpɨ omombeu reta Tumpa iñee jókuae ara osondombae etei, ërei jókuae güire mbaetɨ ye.

JUECES 10:17

Oyomboatɨ Amón iñemuña reta jare oyembojeyupa Galaad pe. Israel iñemuña reta oyomboatɨ vi jare oyembojeyupa reta Mizpa pe.

JUECES 11:11

Jayave Jefté ojo jupíe reta, jare opaete vae oñono mburuvicharä jare ñeraro pe tenondeguarä. Mizpa pe, Jefté jei ye tenonde yave jei vae, yandeYa jóvai.

JUECES 11:28

Ërei Amón iñemuña reta juvicha guasu mbaetɨ oyandu Jefté iñee jerajaa reta omombeu vae.

JUECES 11:30

Jare Jefté oyapo ñererökuavee yandeYa pe, jei reve: “Amón iñemuña reta remee yave chepo pe,

JUECES 13:25

Jare metei ara Sansón oï Dan iñemuña reta jeyupa pe Zora jare Estaol ipäu pe yave. YandeYa iEspíritu omboɨpɨ oparavɨkɨ jese.

JUECES 3:10

Jare yandeYa iEspíritu ou Otoniel re omboarakuaa katu vaerä, jare jae ojo Israel iñemuña reta jenonde, ñeraroa pe, jare yandeYa omee ipo pe Cusan-risataim, mburuvicha guasu Siria pegua, jare güɨnoi mbaepuere jese.

JUECES 6:34

Jayave, yandeYa iEspíritu ou Gedeón re jare jae omoñee mimbɨ vecha kuimbae-räti yave Abiezer iñemuña reta oyomboatɨ jae ndive.

1 SAMUEL 10:10

Jare opa yogüɨraja reta oväe jókuae ɨvɨtɨ oïa pe yave, ko jókuae mbovɨ ete ñeemombeúa reta vae oñoövaiti jae ndive, jare Tumpa iEspíritu ou jese mbaepuere ndive, jare omombeu Tumpa iñee jae reta ndive.

1 SAMUEL 11:6

Saúl oendu yave kuae ñee reta, Tumpa iEspíritu ogüeyɨ jese mbaepuere ndive, jare täta yae iyarasɨ.

1 SAMUEL 12:11

Jayave yandeYa ombou Jerobaal, Barac, Jefté jare Samuel pereepɨ vaerä perovaicho reta peɨ́vɨri ñogüɨnoi vae güi, jare peiko pɨagüive kuae ɨvɨ pe.