JUECES 11:27 - Biblia Guarani Tumpa Iñee

²⁷ Che mbaetɨ etei ikavimbae ayapo ndeve. Nde reyapo reï ikavimbae, echa reyu reporepeña oreré. Ërei oreYa ko jae oporojäa vae, jae tojäa Israel iñemuña reta jare Amón iñemuña reta.”

JUECES 11:27 ပူးပေါင်းရင်းမြစ်များ

GÉNESIS 16:5

Jayave Sarai jei Abram pe: —¡Nde teko renoi cheve Agar chemotareɨ vaerä! Che amee ndeve rereko vaerä, jare oikuaa ipurúa ma yave chemotareɨ omae cheré. YandeYa tojäa kuae teko ndegüi ani chegüi.

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

GÉNESIS 31:53

Neramɨi Abraham iTumpa jare cheramɨi Nacor iTumpa tiñanejäa. Jare Jacob oñererökuavee oyapo vaerä tu Isaac iTumpa omboete vae jovake.

2 CRÓNICAS 20:12

¡OreRu Tumpa! ¿Mbaetɨta pa reiporarauka chupe reta? Echa ore mbaetɨ mbae orepuere royapo kuae jeta yae oporepeña oreré vae pe, ¡mbaetɨ roikuaa mbae royapo vaerä; jáeramo ndekotɨño royeko!”

JOB 23:7

Ngaraa chemboeko, jare chereeyata jekombae jekuae avei pegua.

JOB 9:15

Yepe tëi mona jupi che, ngaraa ko aväe mbae jae vaerä; amoñera ñotai ko cheyeupe oporojäa vae.

SALMOS 50:6

Jare ara reta omombeuta jupi ko vae, echa Tumpa jae ko oporojäa vae.

SALMOS 7:11

Tumpa ko mburuvicha jupi rupi oporojäa vae, Tumpa iyarasɨ oï iyoa vae kotɨ ara ñavo.

SALMOS 75:7

Echa Tumpa ko jae mburuvicha oporojäa vae, jae oporomomichi jare jae oporombotuicha.

SALMOS 82:8

¡CheRu Tumpa, epüa ejäa ɨvɨ, echa nde ko jae opaete tëtaguasu iya!

SALMOS 94:2

Ɨvɨ pe oporojäa vae, epüa; eiporarauka ipɨayemboete vae reta pe.

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 12:14

Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.

2 Corintios 11:11

¿Maera pa körai jae? ¿Mbaetɨ ra poaɨu? ¡Tumpa oikuaa poaɨu ko!

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Hebreos 12:23

Tumpa taɨ tenondegua reta jee oñemoapɨta oï ara pe vae reta re, Tumpa re, opaete vae ojäa vae, kuimbae reta Tumpa ombojupi vae reta iespíritu re,

JUECES 11:28

Ërei Amón iñemuña reta juvicha guasu mbaetɨ oyandu Jefté iñee jerajaa reta omombeu vae.

1 SAMUEL 2:10

YandeYa omoamɨrita jovaicho reta, yavaete yaeta ama-tiriri rami. YandeYa ojäata opaete ɨvɨ pegua reta; omeeta mbaepuere jae oiparavo mburuvicharä vae pe jare jae ombotuichata imbaepuere.”

1 SAMUEL 24:12

¡YandeYa tiñanejäa, jare jae toyeepɨ nderé cheve! Ërei che mbaetɨta amopüa chepo nderé.

1 SAMUEL 24:13

Ndechi reta iñee arakuaa pegua jei rami: ‘Jeko kavimbae reta güi oë mbae ikavimbae.’ Jayave che ngaraai amopüa chepo nderé.

1 SAMUEL 24:15

YandeYa toiko ñanejäa vaerä ¡Jae toï omae vaerä añave kërai aï vae re, jae tachereepɨ ndegüi!”

1 SAMUEL 24:16

Jare David opa yave kuae ñee jei, Saúl jei: —¡Nde yepe cheraɨ David! Jare Saúl täta oyaeo.