JUECES 11:24 - Biblia Guarani Tumpa Iñee

²⁴ Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.

JUECES 11:24 ပူးပေါင်းရင်းမြစ်များ

1 REYES 11:7

Echa jókuae ara rupi Salomón omopüa Jerusalén güi kuaraɨ oëa kotɨgua ɨvɨtɨ re metei tupao Quemos peguarä, tumpa-raanga ikavimbae yae vae Moab pegua, jare Moloc peguarä, Amón-ɨgua reta itumpa-raanga ikavimbae yae vae.

SALMOS 44:2

Ndembaepuere pe renoe remombo ïru tëtaguasu reta, reiporarauka tëta reta pe, jökorai opa renoe remombo, jare oreñemuñagüe reta reñono joko pe.

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

JEREMÍAS 48:13

Jayave Moab imarata itumpa-raanga Quemos jeko pegua, Israel iñemuña reta imara Bet-el re oyerovia tëi yave vae rami.

JEREMÍAS 48:46

¡Ndeparavete, nde Moab! ¡Quemos jëta, opa rekañɨtei! ¡Nderaɨ reta jare nderayɨ reta opa oyereraja tembipɨɨrä!

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

MIQUEAS 4:5

Yepe tëi opaete ïru vae reta metei ñavo yogüɨreko itumpa re aeño; ërei ore, opaete reve roikota oreYa Tumpa re aeño, iyapɨmbae, jekuae avei pegua.

NÚMEROS 21:29

¡Ndeparavete tëta Moab! ¡Rekañɨtei nde, tumpa-raanga Quemos jëta! Jae omaeño kuimbae reta kuae pegua opa otekuarai, jare kuña reta opa mburuvicha guasu Sehón ipo pe oa tembipɨɨrä.

DEUTERONOMIO 18:12

Echa pɨ̈chɨi yae ko yandeYa Tumpa pe kuae nunga oyapo vae, kuae nunga teko pɨ̈chɨi oyapo tëtaguasu reta jeko pegua ko yandeYa Tumpa opa omoë omombo perenonde güi.

JOSUÉ 21:43

Körai yandeYa omee Israel iñemuña reta opaete kuae ɨvɨ, jae oñererökuavee jee re ae omee vaerä iñemuñagüe reta pe vae, oike reta opɨ̈ro jare yogüɨreko jókuae ɨvɨ pe.

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 11:23

Jayave, ¿nde reipota pa opa renoe remombo oreYa opɨ̈ro amorreo reta güi jare omee Israel iñemuña reta imbaerä vae?

JUECES 2:1

YandeYa iaraɨgua ojo Gilgal güi Boquim pe, jare jei Israel iñemuña reta pe: “Che ko pogüɨnoe ɨvɨ Egipto güi, jare pomoinge peñemuñagüe reta pe ɨvɨ arökuavee amee vaerä vae pe, echa jae chupe reta: ‘Ngaraai amboai cheñererökuavee pe ndive,

RUT 1:15

Jare Noemí jei chupe: —Mase, ko chemembɨtatɨ oyerova ye ma jëta kotɨ jare itumpa reta kotɨ; nde ekua vi jaɨkue.