JUECES 11:16 - Biblia Guarani Tumpa Iñee

¹⁶ Echa Israel iñemuña reta ñogüɨnoe Egipto güi yave, oasa reta ñuu rupi Ɨguasu Pɨ̈ta vae kotɨ, jökorai yogüeru oväe Cades pe.

JUECES 11:16 ပူးပေါင်းရင်းမြစ်များ

GÉNESIS 14:7

Jare oyerova yogüeru reta tëta En-mispat jee vae kotɨ, kuae ko jee vi Cades. Joko pe opaetei omboai reta oeya Amalec reta iɨvɨ. Jaeramiño vi amorreo Hazezon-tamar pe yogüɨreko vae reta.

NÚMEROS 13:26

Yogüeru reta ye Moisés jare Aarón jare opaete Israel iñemuña reta yatɨ ñogüɨnoia pe, Cades pe, ñuu Parán pe, jare imiari reta chupe jare opaete yatɨ vae reta pe iguata re, jare oechauka chupe reta mbaagüɨye güerugüe.

NÚMEROS 14:25

Mase, Amalec iñemuña reta jare Cam iñemuña reta yogüɨreko ɨvɨtɨ ipäu pe; peyerova pɨareve jare peë ñuu pe, tape ojo Ɨguasu Pɨ̈ta vae kotɨ vae rupi.

NÚMEROS 20:1

Tenondegua yasɨ pe, Israel iñemuña reta yogüɨraja oväe ñuu Zin pe, jare oyembojeyupa reta Cades pe; joko pe María omano, jare joko pe oñotɨ reta.

NÚMEROS 20:4

¿Maera pa orereru opaete yandeYa imbae vae reta kuae ñuu pe, opa vaerä romano, ore jare orerɨmba reta?

DEUTERONOMIO 1:40

Ërei pe reta ¡peyerova ye peo ñuu kotɨ! Tape Ɨguasu Pɨ̈ta vae kotɨ ojo vae rupi.’

DEUTERONOMIO 1:46

Jare peiko Cades pe ɨma año rupi.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.

JUECES 11:15

jei vaerä chupe: “Jefté jei körai: Israel iñemuña reta mbaetɨ ko opɨ̈ro Moab-ɨgua reta iɨvɨ ani Amón iñemuña reta iɨvɨ ave.