JUECES 10:8 - Biblia Guarani Tumpa Iñee

⁸ Jayave güive, dieciocho año, filisteo reta jare Amón iñemuña reta oiporarauka yae opaete Israel iñemuña Galaad pe yogüɨreko vae, Jordán jovaicho pe amorreo reta iɨvɨ pe.

JUECES 10:8 ပူးပေါင်းရင်းမြစ်များ

ISAÍAS 30:13

jáeramo, kuae mbaeyoa oï ko peve, metei ovapetea ɨvate vae oyekagüe jeieteño oyeka rami, jare güɨramoiño opata osururu vae rami;

NÚMEROS 32:39

Maquir, Manasés taɨ iñemuña reta yogüɨraja Galaad kotɨ jare opɨ̈ro reta, jare opa omoë omombo amorreo reta joko pe yogüɨreko vae.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

JUECES 10:5

Jair omano yave oñotɨ reta Camón pe.

JUECES 10:7

Jáeramo yandeYa iyarasɨ ikotɨ reta jare omee reta filisteo reta ipo pe jare Amón iñemuña reta ipo pe.

JUECES 10:9

Jare Amón iñemuña reta oasa vi ɨ̈aka Jordán oñoraro vaerä Judá, Benjamín jare Efraín iñemuña reta ndive, jare Israel iñemuña reta ipɨatɨtɨ yae.

JUECES 6:2

Jare Madián iñemuña reta güɨrekoasɨ katu yae Israel iñemuña reta jeko pegua, opa yogüɨraja oyapo iyeupe oñemi reta vaerä ɨvɨkua rupi, ɨvɨtɨ rupi jare jëguambaea rupi.