JUECES 10:6 - Biblia Guarani Tumpa Iñee

⁶ Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 10:6 ပူးပေါင်းရင်းမြစ်များ

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 11:5

Omboete Astoret, jae ko Sidón pegua reta itumpa kuña, jare Milcom, Amón iñemuña reta itumpa-raanga ikavimbae yae vae.

1 REYES 11:7

Echa jókuae ara rupi Salomón omopüa Jerusalén güi kuaraɨ oëa kotɨgua ɨvɨtɨ re metei tupao Quemos peguarä, tumpa-raanga ikavimbae yae vae Moab pegua, jare Moloc peguarä, Amón-ɨgua reta itumpa-raanga ikavimbae yae vae.

1 REYES 16:31

echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

2 CRÓNICAS 28:23

echa omee mɨmba oyeyukagüe Damasco pegua reta itumpa reta pe, omoamɨriuka vae reta pe. Echa oyemongeta Siria pegua mburuvicha guasu itumpa reta omborɨ ko vae, jáeramo jae oyemongeta omborɨta vi ko jae omee chupe yave mɨmba oyeyukagüe. Ërei kuae oyapo jeko pegua ko jae ou iñamɨri jare opaete Israel iñemuña reta.

SALMOS 106:36

Omboete reta jókuae tëta reta itumpa-raanga reta, jókuae jeko pegua oñererokomegua reta,

ISAÍAS 23:4

Nemara Sidón, echa ɨguasu yavaete vae jei: “Mbaetɨi chemembɨ, mbaetɨi ayekuaku, mbaetɨi ambokuakuaa kunumi reta ani kuñatai reta.”

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

EZEQUIEL 27:16

Edom pegua reta ogua ndegüi jeta mbaembae renoi vae, oipoepɨ reta ndegüi ita ipöra vae ndive, temimonderä pɨ̈taü vae ndive, temimonderä oñemopöra vae pe jare lino pegua vae pe, ïta rami vae coral jee vae pe, jare ita reta pɨ̈ta rubí jee vae pe.

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 13:8

agüɨye emborɨ katu jeko jare agüɨye eyeapɨsaka jese, agüɨye eiparareko emae jese, agüɨye tiparavete ndeve, agüɨye vi eikuaku;

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

JOSUÉ 13:31

jare Galaad mbɨte rupi, jare tëta guasu Astarot jare Edrei, tëta guasu reta Basán pegua Og imbae. Opaete kuae ɨvɨ jae ko Manasés taɨ, Maquir iñemuña reta oyemboyaogüe peguarä, jëtara ñavo rupi.

JUECES 10:5

Jair omano yave oñotɨ reta Camón pe.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.

JUECES 13:1

Israel iñemuña reta jekuae oyapo ye ikavimbae yandeYa jesa róvai, jare yandeYa omee filisteo reta ipo pe cuarenta año rupi.

JUECES 16:23

Jayave filisteo reta juvicha reta oyomboatɨ omee vaerä mɨmba oyeyukagüe itumpa Dagón pe, jare otairari reta: “Ñanetumpa ko omee yandepo pe yanderovaicho Sansón.”

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.

JUECES 4:1

Aod omano güire, Israel iñemuña reta oyapo ye ikavimbae yandeYa jesa róvai,

JUECES 6:1

Jare Israel iñemuña reta oyapo ikavimbae yandeYa jesa róvai; jare yandeYa omee reta Madián iñemuña reta ipo pe chiu año rupi.

JUECES 8:33

Gedeón omano güire Israel iñemuña reta jekuae oyerova ye Tumpa güi omboete vaerä baal reta, jare oiparavo reta itumparä Baal-berit.

1 SAMUEL 5:2

jare güɨroike reta Tumpa ikäjou itumpa Dagón tupao pe, jare oñono reta Dagón iyɨpɨ pe.