JUECES 10:16 - Biblia Guarani Tumpa Iñee

¹⁶ Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.

JUECES 10:16 ပူးပေါင်းရင်းမြစ်များ

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 CRÓNICAS 15:8

Asa oendu ñee reta maratuta vae re ñeemombeúa Azarías, Obed taɨ güi yave, oñemoäta ngatu jare omboai tumpa-raanga reta ikavimbae yae vae Judá jare Benjamín iɨvɨ güi, jare tëta guasu reta opɨ̈ro Efraín iɨvɨtɨ re vae güi, jare oñono kavi yandeYa imbae mɨmba oyeyuka oyeapɨ jese vae, tupao guasu jöke pe oï vae.

2 CRÓNICAS 33:15

Güɨnoe vi yandeYa jo güi tumpa ambuae reta jare tumpa-raanga jare opaete mɨmba oyeyuka oyeapɨ jese vae omopüa ɨvɨtɨ yandeYa jo oï jese vae re vae jare Jerusalén pe vae, opa güɨnoe omombo tëta guasu güi ikatu pe.

2 CRÓNICAS 7:14

ërei chembae vae reta, jese reta cheree oyemboeteuka vae oñemomichi reve oyerure reta chereeka yave, jare oyepoepɨ reta jeko ikavimbae güi yave, che aenduta iyerure reta ara güi jare cheɨ̈rota chupe reta iyoa re, jare iɨvɨ pe oime yeta jeta mbaembae.

SALMOS 73:21

Mbɨatɨtɨ jasɨ katu vae rupi aiko, chepɨa pe etei ayandu jasɨ,

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

San Lucas 15:20

Jayave oyerova ye tu jëta kotɨ. Ërei mombɨrɨ peve tu oecha jare oiparareko. Jayave tu osɨi oövaiti taɨ, oiküava jare oovapɨte.

San Lucas 19:41

Jare Jesús köiño ma ou Jerusalén güi yave, oecha jare oäpiro,

San Juan 11:34

jare oparandu: —¿Kia pe pa peñono? Jei reta chupe: —OreYa, eyu emae jese.

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

Hebreos 3:10

Jókuae jeko pegua chearasɨ aiko kuae ñemuña reta kotɨ, jare jae: ‘Kuae tëta ipɨa güɨrave avei, ¡jare mbaetɨ oikuaa reta cheporookuai!’

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

JOSUÉ 24:23

Josué jei chupe reta: —Jayave pemombo peyeugüi opaete tumpa ambuae reta pepɨte pe oime penoi vae jare peyerova opaete pepɨa ndive yandeYa Israel iTumpa kotɨ.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

1 SAMUEL 12:10

Jare jae reta güɨroäse jare jei reta yandeYa pe: ‘Oreyoa echa rosɨrɨ ndegüi oreYa jare romboete tumpa-raanga Baal reta jare Astarot, orereepɨ orerovaicho reta ipo güi, jare toroyeokuai ndeveño.’

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”

1 SAMUEL 7:4

Jayave Israel iñemuña reta oekɨ omombo Baal iä reta, jare Astarot iä reta, jare omboete reta yandeYaño.