JUECES 10:14 - Biblia Guarani Tumpa Iñee

¹⁴ ¡Pekua, jare peiporu yemborɨ jókuae tumpa reta peiparavo peyeupe vae pe! ¡Jae reta tapereroasayepe peiporara peï yave!”

JUECES 10:14 ပူးပေါင်းရင်းမြစ်များ

2 REYES 3:13

Jayave Eliseo jei mburuvicha guasu Israel pegua pe: —¿Maera pa reyu chekotɨ? Ekua eparandu ñeemombeúa reta nderu jare ndesɨ pe oyeokuai vae reta pe. Mburuvicha guasu Israel pegua jekuae jei ye: —Mbaetɨ, echa yandeYa orereru ore mboapɨ mburuvicha guasu reta oremee vaerä Moab iñemuña reta pe.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

ISAÍAS 57:13

Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.