JUECES 10:13 - Biblia Guarani Tumpa Iñee

¹³ Ërei pe reta jekuae chereeya, jare pemboete tumpa ambuae reta, jayave che ngaraa ye ma poepɨ.

JUECES 10:13 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 12:5

Jayave ñeemombeúa Semaías ou Roboam pɨri jare mburuvicha reta Judá pegua pɨri, oyemboatɨ ñogüɨnoi Jerusalén pe Sisac jeko pegua vae reta, jare jei chupe reta: —Körai jei yandeYa: “Pe reta chereeya, che vi poeya Sisac ipo pe.”

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 21:10

Ërei jeseve Edom oyeyora Judá imbaepuere güi añave regua. Jaeramiño vi Libna oyeyora jókuae ara rupi Judá imbaepuere güi, echa Joram oeya yandeYa iñemuñagüe reta iTumpa.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JONÁS 2:8

Ikavimbae omomoe vae reta ndeporoparareko güi ko osɨrɨ reta.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

JUECES 10:14

¡Pekua, jare peiporu yemborɨ jókuae tumpa reta peiparavo peyeupe vae pe! ¡Jae reta tapereroasayepe peiporara peï yave!”

JUECES 2:12

Oeya reta yandeYa, iñemuñagüe reta iTumpa, Egipto güi güɨnoe reta vae, jare oguata reta tumpa ambuae reta jupíe, iyɨ́vɨri rupi tëta reta ñogüɨnoi vae itumpa reta, jókuae omboete reta; jökorai omboarasɨuka reta yandeYa.

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.