JUECES 10:10 - Biblia Guarani Tumpa Iñee

¹⁰ Jayave oyerure reta yandeYa pe omborɨ reta vaerä, jare jei reta: “OreTumpa, oreyoa ndekotɨ, echa rosɨrɨ ndegüi jare rojo romboete jare royeokuai baal reta pe.”

JUECES 10:10 ပူးပေါင်းရင်းမြစ်များ

SALMOS 107:13

Ërei oiporara ñogüɨnoi yave, osapúkai reta yandeYa pe, jare jae oepɨ mbɨatɨtɨ reta güi;

SALMOS 107:19

Ërei oiporara ñogüɨnoi yave osapúkai reta yandeYa pe, jare jae oepɨ mbɨatɨtɨ reta güi;

SALMOS 107:28

Jayave oiporara ñogüɨnoi yave osapúkai reta yandeYa pe, jare jae oepɨ mbɨatɨtɨ reta güi.

JEREMÍAS 2:27

echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JUECES 10:9

Jare Amón iñemuña reta oasa vi ɨ̈aka Jordán oñoraro vaerä Judá, Benjamín jare Efraín iñemuña reta ndive, jare Israel iñemuña reta ipɨatɨtɨ yae.

JUECES 3:9

Jayave Israel iñemuña reta oyerure mbɨatɨtɨ ndive yandeYa pe; jare yandeYa omopüa metei mburuvicha chupe reta, jare jae oepɨ reta; jae ko Otoniel, Cenaz taɨ. Cenaz jae ko Caleb tɨvɨ.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.

JUECES 6:6

Madián iñemuña reta jeko pegua Israel iñemuña reta oiporara yae karuai, jáeramo jae reta oyerure yandeYa pe mbɨatɨtɨ reve.

1 SAMUEL 12:10

Jare jae reta güɨroäse jare jei reta yandeYa pe: ‘Oreyoa echa rosɨrɨ ndegüi oreYa jare romboete tumpa-raanga Baal reta jare Astarot, orereepɨ orerovaicho reta ipo güi, jare toroyeokuai ndeveño.’

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.