JUECES 1:30 - Biblia Guarani Tumpa Iñee

³⁰ Zabulón iñemuña reta mbaetɨ ipuere omoë omombo cananeo reta Quitrón pe yogüɨreko vae, jare Naalal pe yogüɨreko vae reta ave, cananeo reta yogüɨrekoño joko pe, ërei omombaravɨkɨasɨ katu reta.

JUECES 1:30 ပူးပေါင်းရင်းမြစ်များ

GÉNESIS 49:15

Jare oecha mbutuu ikavi yae, jare ɨvɨ pe vɨakatu yave, omee ikupe voɨta güɨraja vaerä, jare oñemee ombaemboepɨ oiko vaerä.

JOSUÉ 19:15

kuae ɨvɨ pe oime doce tëta guasu; tëta guasu ñavo güɨnoi tëta raɨ raɨ; jókuae reta güi jae ko Catat, Naalal, Simrón, Idala jare Belén.

JUECES 1:29

Efraín iñemuña reta mbaetɨ vi opa omoë omombo cananeo reta yogüɨreko Gezer pe vae, jókuae cananeo reta yogüɨrekoño jae reta ipɨte pe.

JUECES 1:31

Aser iñemuña reta mbaetɨ vi omoë omombo cananeo reta yogüɨreko Aco pe vae, Sidón pe vae, Ahlab pe vae, Aczib pe vae, Helba pe vae, Afec pe vae jare Rehob pe vae. Aser iñemuña reta mbaetɨ ipuere omoë omombo cananeo reta jeko pegua, yogüɨreko reta ipɨte pe.