JUECES 1:29 - Biblia Guarani Tumpa Iñee

²⁹ Efraín iñemuña reta mbaetɨ vi opa omoë omombo cananeo reta yogüɨreko Gezer pe vae, jókuae cananeo reta yogüɨrekoño jae reta ipɨte pe.

JUECES 1:29 ပူးပေါင်းရင်းမြစ်များ

1 REYES 9:15

Kuae jeko pegua mburuvicha guasu Salomón omee mborookuai oyeapo vaerä yandeYa itupao, mburuvicha guasu jo, Milo, Jerusalén ikësea, jökoraiño vi tëta Hazor, Meguido jare Gezer.

1 REYES 9:16

Echa Faraón mburuvicha guasu Egipto pegua ou yepe opɨ̈ro tëta Gezer, opa oapɨ jare opa oyuka cananeo reta pɨpe yogüɨreko vae, javoi ombopota jókuae tëta guasu pe tayɨ Salomón jembireko.

JOSUÉ 10:33

Jayave Horam, mburuvicha guasu Gezer pegua oë isundaro reta ndive omborɨ Laquis, ërei Josué omoamɨri Horam opaete isundaro reta ndive, oeyambae reve metei ave.

JOSUÉ 16:10

Ërei Efraín iñemuña reta mbaetɨ güɨnoe omombo Gezer güi cananeo reta; jökorai cananeo reta yogüɨreko Efraín iñemuña reta ipɨte pe, jare ombaemboepɨ yogüɨreko. Añave rupi cananeo reta oime yogüɨreko joko pe.

JUECES 1:28

Ërei Israel iñemuña reta oecha imbaepuere yae ma yave, omee mbaravɨkɨ poɨ yae vae cananeo reta pe, ërei mbaetɨ ipuere opa omoë omombo.

JUECES 1:30

Zabulón iñemuña reta mbaetɨ ipuere omoë omombo cananeo reta Quitrón pe yogüɨreko vae, jare Naalal pe yogüɨreko vae reta ave, cananeo reta yogüɨrekoño joko pe, ërei omombaravɨkɨasɨ katu reta.