JUECES 1:28 - Biblia Guarani Tumpa Iñee

²⁸ Ërei Israel iñemuña reta oecha imbaepuere yae ma yave, omee mbaravɨkɨ poɨ yae vae cananeo reta pe, ërei mbaetɨ ipuere opa omoë omombo.

JUECES 1:28 ပူးပေါင်းရင်းမြစ်များ

GÉNESIS 9:25

Jare jei: “¡Cheyepopeyu toï Canaán re! ¡Tembiokuaiasɨ katu toiko tɨkeɨ reta pe!”

GÉNESIS 9:26

Javoi jei ye: “CheYa Tumpa iporerekua toiko Sem ndive, jare Canaán toiko jembiokuairä.

1 REYES 9:21

iñemuñagüe reta opɨta jókuae ɨvɨ pe vae, Israel iñemuña reta mbaetɨ ipuere omokañɨtei vae, Salomón omombaravɨkɨ yae reta, jökorai yogüɨreko añave rupi.

PROVERBIOS 12:24

Jäta ngatu vae, oporookuaita; ërei iyakɨ vae oikota tembiokuairä.

DEUTERONOMIO 20:11

Jókuae tëta pegua reta oipota mbɨakatu yave, jare omaeño peike jëta pe yave, ikavita ombaemboepɨ vaerä peve jare perembiokuairä.

JOSUÉ 17:13

Ërei Israel iñemuña reta imbaepuere yae reta ma yave, ombaemboepɨuka cananeo reta pe, ërei mbaetɨ güɨnoe reta omombo.

JUECES 1:27

Manasés iñemuña reta mbaetɨ ipuere opa omoë omombo tëta Bet-seán pegua reta, Taanac pegua reta, Dor pegua reta Ibleam pegua reta jare Meguido pegua reta; tëta raɨ reta jókuae tëta guasu reta iyɨ́vɨri rupigua ave mbaetɨ ipuere opa omoë reta omombo, jare cananeo reta jeiete yogüɨreko jókuae ɨvɨ pe.

JUECES 1:29

Efraín iñemuña reta mbaetɨ vi opa omoë omombo cananeo reta yogüɨreko Gezer pe vae, jókuae cananeo reta yogüɨrekoño jae reta ipɨte pe.

1 SAMUEL 14:24

Ërei kuimbae reta Israel iñemuña reta jókuae ara ikangɨ jare yɨmbɨaɨ, echa mbaetɨ etei mbae jou reta metei ave yepe omoañete vaerä Saúl Tumpa rovake jei vae: “Tomano jókuae mbae jou kuae ara ndei pɨ̈tu mbove vae, ndei cherovaicho reta amoamɨri mbove.”